Milani dhe Juventusi i bashkohet ‘luftës’ për yllin e Valencias

Klubet më të mira nëpër Evropë janë ‘të joshur’ nga mesfushori i Valencias, Javi Guerra dhe dyshja e Serie A, Milani dhe Juventusi kanë vendosur t’i bashkohen garës për mesfushorin spanjoll.

Mesfushori 20-vjeçar ka shkëlqyer në sezonin e tij të parë të plotë për Los Ches, duke shënuar katër gola dhe duke dhënë një asistim në 19 ndeshje në La Liga dhe ka filluar të bëhet një nga të rinjtë më emocionues në skenën evropiane.

Klubet në të gjithë kontinentin kanë filluar të marrin parasysh Guerra-n. Newcastle United tashmë ka kontaktuar për të eksploruar një lëvizje të mundshme dhe Manchester United është gjithashtu i interesuar, siç është edhe Paris Saint-Germain i Luis Enrique.

Milan, Juventus and PSG are all tracking Valencia talent Javi Guerra. pic.twitter.com/Yidb0FBJeK

— Football España (@footballespana_) January 27, 2024

Eksperti italian i transferimeve, Matteo Moretto ka thënë për Daily Briefing të Fabrizio Romano se Milani dhe Juventusi kanë vendosur gjithashtu synimet e tyre te Guerra, të interesuar për t’u bashkuar në garën për mesfushorin e talentuar të Valencias.

Skuadra spanjolle nuk është e gatshme ta lërë 20-vjeçarin të largohet në mes të sezonit, kështu që të gjitha klubet e interesuara do të kenë kohë deri në verë të provojnë për yllin, i cili ka një çmim prej 35 milionë euro.

Guerra do të preferonte të qëndronte në Spanjë, por do të ishte i hapur edhe për një lëvizje në Ligën Premier apo Serie A. /Telegrafi/

Javi Guerra : classe 2003 🇪🇸 pic.twitter.com/Udk7yl9OEp

— 𝐓𝐡𝐞_𝐒𝐨𝐥𝐯𝐞𝐑 (@The_SolveR__) January 24, 2024