Milani i cakton çmimin final Theo Hernandezit – francezi ka katër oferta në tavolinë

AC Milan nuk i ka hapur ende bisedimet me Theo Hernandez për rinovimin e kontratës dhe ka më shumë ekipe përveç Bayern Munichut, që janë të interesuara për lojtarin sipas raportimeve të fundit.

Njëri nga yjet e Milanit që po tërheq shumë spekulime dhe vëmendje para hapjes së afatit kalimtar veror është Theo Hernandez.

Francezi është njëri ndër lojtarët kryesor të ‘Rossonerëve’ dhe këtë e ka dëshmuar me paraqitjet e tij të nivelit të lartë, ku madje e ka udhëhequr ekipin edhe në cilësinë e kapitenit.

Sipas gazetarit Matteo Moretto, Hernandez mund t’i ketë më shumë se katër oferta këtë verë, ndërsa sa i përket çështjes së rinovimit ka thënë se asgjë nuk ka ndryshuar në krahasim me disa javë më parë.

Lexo po ashtu Giroud largohet në verë, Milani gjen zëvendësuesin e francezit te PSG

Momentalisht, Milani nuk ka nisur bisedimet rreth rinovimit të kontratës ndërsa francezi po pëlqehet shumë nga Bayern Munichu, pasi drejtuesit e klubit gjerman e shohin atë si pasuesin ideal të Alphonso Daives i cili po lidhet me një transferim tek Real Madridi.

Sidoqoftë, Bayerni nuk do të ishte klubi i vetëm në garë për shërbimet e tij, pasi edhe ekipe nga Liga Premier si dhe Arabia Saudite mund të bëjnë ofertat e tyre.

Siç shton raporti nga gazetari, ‘Rossonerët’ do të kërkojnë të paktën 70-80 milionë euro, nëse një klub shfaq interesim konkret dhe fillon negociatat, por momentalisht nuk ka asgjë të avancuar./Telegrafi/