Mikullovci: Ramush, ta fali që e tëhollove buxhetin e Kosovës, por jo që e ndryshove qëndrimin për demarkacionin (Video)

Deputeti i Lëvizjes Vetëvendosje (VV), Adem Mikullovci ka kritikuar kryeministrin Ramush Haradinaj, duke i thënë se pasi erdhi në pozitën e shefit të Qeverisë së Kosovës e ndryshoi qëndrimin për demarkacionin me Malin e Zi.

Ai në foltoren e Kuvendit e ka këshilluar Haradinajn që të dalë në foltoren e legjislativit të vendit dhe ta dorëzojë pozitën të cilën e ka ai aktualisht.

“Del në foltore dhe thuaj deputetëve, se ju ma dhatë postin e kryeministrit dhe unë atë post po ua kthej, sepse nuk po di dhe nuk po mundem të udhëheqë. Kjo është për të mirën e Kosovës dhe të mirën tënde personale”, ka shtuar Mikullovci.

Ai më tutje ka treguar se disa herë ka pritur që të bie Qeveria Haradinaj, duke specifikuar rastin kur lista serbe kishte thënë se do ta largohej nga ekzekutivi i vendit dhe në rastin e dytë, sipas tij, kur u deportuar gjashtë qytetarët turq.

“Ramush, ta fali që e tëhollove buxhetin e Kosovës dhe që emërove një batalione të zëvendësministrave, por nuk ta fali që e ndryshove qëndrimin për demarkacionin e kufirit të Kosovës me Malin e Zi.

Deputeti i VV-ja ka cituar edhe vargje nga një poezi e shkrimtarit të madh shqiptar, Fan Stilian Noli. /Telegrafi/