Microsoft Surface vjen në shtator

Gjatë ditës së sotme, Microsoft e ka bërë demonstrimin e modelit të saj të ri të kompjuterit SUR40 në Singapor, ndërsa ka bërë edhe paralajmëron e gjeneratës së dytë të modeli Surface , i cili do të fillojë të shitet gjatë muajit shtator për një çmim prej 8,600 dollarësh.

Për të parën herë, SUR40 është paraqitur në CES 2011, ndërsa për të gjithë ata që nuk e dinë se për çka po flasim, atëherë duhet të thuhet se ky është një kompjuter i veçantë me ekran të ndjeshëm në prekje me 40 inç, dhe i njëjti i dedikohet industrive të caktuara, si shitjet me pakicë, agjencive të promovimit, atyre automobilistike, apo organizatave financiare.

SUR40 është i pajisu me procesor AMD Athlon II X2 Dual-Core 2.9GHz, i cili është i çiftëzuar me AMD Radeon HD 6700M Series GPU – DirectX 11, dhe sistemin operativ Windows 7 Professional 64-bit, dhe Surface 2.0 SDK.

Surface i Microsoft-it është një kompjuter me sistem operativ me “multi-touch” nga Microsoft, i cili ka qenë zhvilluar si një kombinim i teknologjisë me harduer dhe softuer, e cila e lejon një përdorues, apo përdorues të shumtë, që të manipulojnë me përmbajtje digjitale përmes përdorimit të gjesteve me të dy duart apo të lëvizjes së objekteve fizike. / Telegrafi /