Mësuesja i dhuroi vallëzim erotik audiencës kurse shkolla e larguan nga puna (Video)

Një mësuese kishte shkuar gjatë festës së Pashkëve për të pushuar në Cabo San Lucas. Kurse me kërkesë të miqve kishte marrë pjesë në një konkurs të vallëzimit.

Vallëzimi i saj erotik kishte pushtuar zemrat e audiencës dhe gjyqtarëve, dhe kështu kishte fituar çmimin e parë në vlerë prej 260 dollarë, transmeton Telegrafi.

Mësuesja nga Meksika, ka pranuar se pas garës në vallëzim kishte marrë një numër të madh të kërkesave nga meshkujt për miqësi në Facebook.

Por drejtoresha e shkollës në të cilën ajo punon, me tu kthyer nga pushimet e kishte ftuar për një bisedë në zyrën e saj.

Në fakt, drejtoresha e kishte ftuar në zyrë për t’i thënë se nuk ka më nevojë të dalë në punë.

“Njëri prej prindërve të fëmijëve me ka treguar për videon të cilën ua kishte shpërndarë prindërve tjerë, që pushimet e mia i kanë ndërlidhur me punën time. Në shkollë nuk më kanë lënë zgjidhje, thjesht jam ndjerë disi e sulmuar. Nuk e kam ditur çfarë kam bërë për të merituar largimin nga puna. Nuk e kam ditur që kjo video do të bëhet e popullarizuar. Në garën për vallëzim kam marrë pjesë, por aty nuk jam shfaqur e lakuriqur apo duke konsumuar drogë”, ka deklaruar mësuesja. /Telegrafi/