Messi konsideron tërheqjen nga futbolli pas largimit nga Barcelona

Lionel Messi mund të vendos të bëjë një kthesë të bujshme në vendimin e tij për t’u larguar nga Barcelona pas takimit të babait dhe agjentit të tij me presidentin e klubit Josep Maria Bartomeu.

Argjentinasi dërgoi një burofaks për të treguar qëllimin e tij për t’u larguar nga klubi, por ai tani po mendon seriozisht të vazhdojë me Barcelonën edhe për një vit tjetër.

Arsyeja për ndryshimin e menjëhershëm të vendimit të Messit është për shkak të refuzimit absolut të Barcelonës për ta shitur atë, gjë që do ta linte atë me mundësinë e vetme tjetër që të shkonte në gjykatë për të zgjidhur kontratën e tij, gjë që ai nuk dëshiron ta bëjë.

Messi beson se ligji është në anën e tij, por nuk dëshiron të largohet nga klubi i zemrës së tij me anë të një beteje ligjore.

Lexo po ashtu Messi ka vendosur, sot pritet ta konfirmojë vendimin befasues për të ardhmen

Paris Saint-Germain dhe Manchester City hezitojnë

Të dy klubet që u konsideruan destinacionet e vetme reale të mundshme për Messin – PSG dhe City nuk janë të prirur të rrezikojnë një mosmarrëveshje ligjore.

Si PSG ashtu edhe City dëshironin që argjentinasi të pranonte një largim paqësor me Barcelonën dhe më pas të ishte në gjendje të negocionte me të pasi të ishte agjent i lirë.

Por, kjo nuk duket më një mundësi pasi Bartomeu këmbëngul se ai nuk do të lejojë Messin të largohet.

Ajo që presidenti i ofron Messit është mundësia për të rinovuar kontratën e tij deri në vitin 2022 nën kushtet që ishin diskutuar disa muaj më parë, e cila ishte një zgjatje dyvjeçare, por me një klauzolë lirimi që e lejonte atë të largohej verën e ardhshme nëse dëshiron.

Kjo ishte ajo që u diskutua në takimin midis Bartomeut dhe Jorge Messi të mërkurën mbrëma.

Lexo po ashtu Babai dhe agjenti i Messit lë të kuptohet se ai mund të qëndrojë te Barcelona pasi konfirmoi se takimi shkoi mirë me drejtuesit

Kthimi në trajnim?

Messi nuk është paraqitur ende për trajnimin para-sezonal dhe as nuk i është nënshtruar një testi PCR siç bënë të dielën pjesa tjetër e bashkëlojtarëve të tij.

Mbetet të shihet nëse Messi do të kthehet në stërvitje në ditët e ardhshme, gjë që do të konfirmonte ndryshimin e tij të të vendimit.

Për më tepër, Jorge Messi të paktën ka dhënë disa komente për shtypin, Leo jo, dhe tifozët do të jenë të etur të dëgjojnë drejtpërdrejt nga vetë njeriu për të kuptuar saktësisht se çfarë ka ndodhur dhe cilat janë synimet e tij.

/Telegrafi/