Merkel: Pandemia na ka dalë nga kontrolli

Angela Merkel u tha kolegëve të partisë se menaxhimi i Gjermanisë për pandeminë e coronavirusit, “ka dal nga kontrolli” dhe nevojiten masa më të rrepta për të parandaluar një valë të re të sëmundjes, raportoi gazeta Bild.

Merkel tha se kërcënimi i mundshëm nga variante të përhapjes më të shpejtë do të thotë se Gjermania “është ulur në një fuçi pluhuri”, citoi Bild, kancelaren gjermane duke shtuar se, “Ne duhet të bëhemi më të rreptë ose për 14 ditë do të kthehemi atje ku ishim më parë”.

Gjermania ka qenë në bllokim të pjesshëm që nga fillimi i nëntorit, me shkollat kryesisht të mbyllura, dyqanet jo-thelbësore të mbyllura dhe udhëtimet të reduktuara në minimum deri në të paktën 14 shkurt, raporton bloomberg.

Masat duket se po funksionojnë, ku për 100 mijë banorë ka 107.6 raste, sipas të dhënave të fundit nga instituti i shëndetit publik RKI. Akoma, kjo është më shumë se dyfishi i nivelit që qeveria ka vendosur të jetë e menaxhueshme.

Rihapja e dyqaneve në mes të shkurtit “nuk është e sigurt”, dhe Gjermania së pari do të hapte shkollat dhe qendra të kujdesit ditor, pasuar nga dyqane dhe më pas restorante. /Telegrafi/