Como ka shënuar fitore me rezultat 3-1 në shtëpi ndaj Hellas Veronës në kuadër të javës së nëntë në elitën e futbollit Italian.
Në këtë ndeshje me gol kontribuoi edhe ylli kosovar Mërgim Vojvoda, i cili realizoi golin e tretë për Comon.
Ndonëse ai nuk e nisi nga minuta e parë, pas inkuadrimit të tij në pjesën e dytë, ndikimi i tij ishte i menjëhershëm.
30-vjeçari realizoi në minutën e 92-të për rezultatin përfundimtar 3-1, duke konfirmuar kështu fitoren e radhës të Comos.
Për Vojvodën ky ishte goli i tij i parë këtë sezon me Comon, pas tetë ndeshjeve të luajtura deri më tani./Telegrafi/
