Versioni i ridizajnuar në mënyrë të denjë i veturës luksoze, “Coupe” të Mercedes ka sjellë me vete disa ndryshime kozmetike.

Tre vjet pas prezantimit të gjeneratës së tretë të modelit CLS në Stuttgart, ata kanë përgatitur një edicion të ridizajnuar të veturës së tyre luksoze, Coupe që nuk përfshin ndryshime nën kapak.

Përveç dritave të reja dhe elementeve të trupit të ridizenjuar në mënyrë të denjë, të gjitha versionet e CLS tani janë të disponueshme me paketën të stilit AMG Line që përfshin parakolpë të ndryshëm, zbukurime pragu dhe grilën e veçantë të radiatorit Panamericana që zbukuron modelet AMG, transmeton Telegrafi.

Me ridizenjimin erdhën dy modele të reja të rrotave aliazh 19 inç dhe disa opsione të reja 20 inç, dhe diapazoni i pasur i ngjyrave të trupit është zgjeruar me një hije të re të kaltër.

Ndryshimet në kabinën e pajisur mjaft mirë përfshijnë një timon të ri shumëfunksional dhe disa kombinime të reja prej lëkure dhe veshjesh me dru të çmuar.

Klientët e edicionit të ridizenjuar të CLS mund të mbështeten akoma në motorët e njohur me benzinë dhe naftë me një gamë të fuqisë nga 194 në 435 kuaj/fuqi. /Telegrafi/