Mel C zbulon se kurrë nuk do të performonte në ‘Katar 2022’ as për një marrëveshje milionëshe si ajo e David Beckhamit

Mel C ka zbuluar se ajo do të refuzonte një ofertë për të performuar në vendin mikpritës të Kampionatit Botëror, Katar.

Këngëtarja 48 vjeçe, tha se ‘nuk do të ishte rehat’ të pranonte para për të dalë në skenë në shtetin katarian, për shkak të historisë së diskutueshme të të drejtave të njeriut, shkruan DailyMail.

Kjo vjen pasi David Beckham u përball me reagime të forta për një marrëveshje prej 10 milionë funtesh (11.5 milionë euro) për të qenë ambasador i kampionatit, pavarësisht polemikave rreth trajtimit të grave, punëtorëve migrantë dhe personave LGBT+ nga vendi arab.

Mel, shoqja e së cilës Victoria, është e martuar me ish-futbollistin David, i tha Richard Eden të DailyMail: “Personalisht, unë jam një aleate e komunitetit LGBT+ dhe nuk është diçka që do të ndihesha rehat ta bëja”.

“Njerëzit duan të shkojnë atje dhe të ndihmojnë për të bërë një ndryshim. Secili për të vetin, por do të ishte një jo nga unë nëse do të vinte oferta”, tha ajo.

Kjo vjen pasi Dua Lipa mohoi spekulimet se ajo do të performonte në ceremoninë e hapjes së Kupës së Botës, e cila u zhvillua të dielën.

Vetëm një javë para fillimit të turneut të futbollit, Dua bëri një deklaratë në Instagram duke hedhur poshtë thashethemet dhe ‘goditi’ Katarin për shkeljen e të drejtave të njeriut.

Ajo shkroi: “Ka shumë spekulime se unë do të performoj në ceremoninë e hapjes së Kupës së Botës në Katar”.

“Unë nuk do të performoj dhe as nuk kam qenë ndonjëherë e përfshirë në ndonjë negociatë për të performuar”.

“Unë do të bëj brohoritje për Anglinë nga larg dhe mezi pres të vizitoj Katarin kur ai të ketë përmbushur të gjitha premtimet për të drejtat e njeriut që bëri kur fitoi të drejtën për të mirëpritur Kampionatin Botëror”, deklaroi Dua. /Telegrafi/