Mediat botërore raportojnë për zgjedhjen e Kurtit kryeministër i Kosovës

Albin Kurti është zgjedhur për herë të dytë kryeministër i Kosovës.

Lideri i Lëvizjes Vetëvendosje ka marrë besimin e 67 deputetëve të Kuvendit, ndërsa kundër kanë votuar 30 deputetë.

Lexo po ashtu Pasi u votua për kryeministër, Kurti: Të bashkohemi në bërjen e shtetit, ashtu siç e ëndërruam dhe dëshiruam

Tashmë mediat botërore kanë raportuar rreth krijimit të institucioneve të reja në vendin tonë, transmeton Telegrafi.

“Parlamenti i Kosovës mbështet Albin Kurtin si kryeministër të ri”, shkruan agjencia e lajmeve reuters.

Parlamenti i ri i Kosovës zgjedh qeverinë e re”, raporton gazeta amerikane newyorktimes.

Mediat zvicerane kanë raportuar se “Albin Kurti formon qeverinë e re të Kosovës”.

“Qeveria e re e reformës Kurtit është konfirmuar në parlament”, shkruajnë mediat gjermane.

Agjencia pro qeveritare turke, Anadolu Agency shkruan se Albin Kurti është zgjedhur për herë të dytë kryeministër i Kosovës.

“Albin Kurti – nga Che Guevara i Kosovës tek ri-Kryeministri i Kosovës”, shkruan mediumi slloven sta.

Lexo po ashtu Komunitetet me një zëvendëskryeministër dhe tri ministri në Qeverinë Kurti 2

Mediumi arab, Aljazeera raporton se “Albin Kurti është Kryeministri i ri i Kosovës”. Edhe mediat spanjolle kanë shkruar se “Kandidati i krahut të majtë, Albin Kurti sërish është Kryeministër i Kosovës”

“Kurti votohet përsëri si kryeministër i Kosovës”, ka shkruar mediumi serb b92 gjersa ai malazez, vijesti tregon për zgjedhjen e Albin Kurtit, si kryeministër i Kosovës. /Telegrafi/