McTominay merr për dore Manchester Unitedin, me golat e skocezit fitohet derbi ndaj Chelseat

Manchester United ka fituar ndaj Chelseat me rezultat 2-1 në një derbi të fort me shumë raste që i takoi javës së 15-të të Ligës Premier.

Djajtë e Kuq kanë mundur të kalojë në epërsi që në start, kur fituan penallti në minutën e 9-të të takimit.

Por gjuajtja e Bruno Fernandes u ndal në mënyrë mjeshtërore nga portieri Robert Sanchez që mbajti rezultatin e bardhë.

Pas dhjetë minutash dhe shumë rasteve nga të dyja palët, Scott McTominay arriti të zhbllokojë shifrat duke shënuar për 1-0.

https://twitter.com/Garnacho__utd/status/1732499279837614471

Chelsea shtoi presionin për të barazuar rezultatin dhe radhiti rastet para portës së Andre Onanas.

Në minutën e 45-të u barazuan shifrat kur Mykhailo Mudryk pasoi te Cole Palmer i cili shënoi për 1-1.

Cole Palmer scores a great goal!!! https://t.co/UBS8VRni27

— Frank Khalid OBE (@FrankKhalidUK) December 6, 2023

Edhe pjesa e dytë nisi me raste, kur Nicolas Jackson ishte i vetëm me portier, por gjuajtja e tij ishte në trupin e Onanas.

Djajtë e Kuq e kthyen epërsinë në minutën e 69-të, kur Scott McTominay sërish ishte në vendin e duhur dhe në kohën e duhur për të shënuar për 2-1.

🏴󠁧󠁢󠁳󠁣󠁴󠁿McSauce Double ⚽⚽

Scott McTominay with another double at Old Trafford to grab his 5th of the season!https://t.co/o7Vhx2oUv0

— Everything Scotland 🏴󠁧󠁢󠁳󠁣󠁴󠁿 (@AboutScotlandd) December 6, 2023

Chelsea u hap për të kërkuar golin e barazimit, duke lënë hapësira prapa, ndërsa Man Utd krijoi dy raste me Alejandro Garnachon, por pa sukses.

Blutë kanë mundur të shënojnë me Armando Brojën, por gjuajtja e tij me kokë u ndal nga shtylla në minutën e 90-të.

Me këtë fitore Manchester United ngjitet në vendin e gjashtë me 27 pikë, ndërsa Chelsea bie në pozitën e dhjetë me 19 pikë. /Telegrafi/