Në Madrid të Spanjës është mbyllur një furrë buke e popullarizuar, pasi në njërin nga banakët ku ishin të ekspozuara kiflet janë gjetur dy minj.

Policia ka detyruar zyrtarët e ‘Pueblo Nuevo’ që të bëjnë të gjitha kontrollet e higjienës dhe të tregojnë dokumentet, se gjithçka është në rregull, transmeton Telegrafi.

Furra që bën bukë dhe kifle të ndryshme, ka përfaqësi edhe në vende të ndryshme të Evropës, por këto të fundit nuk do të mbyllen.

Megjithëse zyrtarët e kompanisë kanë thënë se ky është incident i izoluar, kurse shumë klientë kanë thënë se nuk do të blejnë më bukë dhe produkte të tjera në atë vend.

“Minjtë lëviznin të lirë në mes të ditës, po çfarë mund të bëhet natën nëpër punëtori, këtë nuk dua ta di”, ka thënë një grua, që ishte blerëse e rregull në atë lokal. /Telegrafi/

DështimeFun