Mbroni bimët gjatë dimrit: Gjithçka që ju nevojitet për t’i bërë ato të lulëzojnë si në pranverë është një përbërës

Një përbërës i fuqishëm do të nxisë rritjen e tyre gjatë dimrit

Për të kursyer para, ju gjithashtu mund t’i ushqeni bimët me mjete natyrale, duke u siguruar atyre minerale shtesë që do të nxisin rritjen e tyre.

Lëvoret e bananes, përmbajtja e qeseve të çajit ose lëvozhgat e qepëve që do të kompostoni mund të përmirësojnë cilësinë e dheut, por birra e holluar me ujë do të japë rezultatet më të mira.

Mbetjet e birrës nga një shishe ose kënaçe hidhni në një bidon ose shishe, hidhni ujë dhe tundeni mirë, më pas ujisni me këtë tretësirë kopshtin dhe bimët e ballkonit një herë në javë, transmeton Telegrafi.

Lexo po ashtu Kultivimi i luleve në dimër: Një truk i cili do t’ju ndihmojë që të mësoni a kanë nevojë lulet tuaja për ujë

Një litër ujë i thjeshtë është optimal për 10 mililitra birrë. Birra mund të mos jetë e freskët – edhe birra që ka mbetur për disa ditë do të jetë e dobishme për lulet, falë kompleksit të vitaminës B dhe substancave të fermentuara që përmban.

Birra është njohur prej kohësh si një mjet për forcimin e gjetheve të bimëve të brendshme. Në të njëjtën kohë u jep atyre shkëlqim dhe mund të ndikojë në intensifikimin e ngjyrës së gjelbër. Mjafton të njomni një copë pambuku në birrë një herë në dhjetë ditë dhe të fshini gjethet me të. /Telegrafi/