Mbi 1000 fëmijë e shikuan Minions këtë vikend në Cineplexx!

Fëmijë nga të gjitha qytetet e Kosovës vërshuan kinematë e Cineplexx në Prishtinë dhe Prizren për të parë filmin e ri Minions 2 vikendin që lamë pas.

Një prej filmave më të pëlqyer për fëmijë Minions, vikendin që lamë pas pati premierën e filmit të ri Minions: The Rise of Gru në kinematë Cineplexx në Prishtinë dhe Prizren, ku fëmijët u pritën me shumë aktivitete si me maskotat e Minions, facapainting dhe shumë shpërblime.

---

Kinemaja Cineplexx ka njoftuar se vetëm gjatë vikendit më shumë se 1000 fëmijë kanë qenë të pranishëm për ta parë filmin me karakterët e tyre të preferuara të Minions.

Minions: The Rise of Gru, i njohur ndryshe si Minions 2, është një aventurë absolutisht e çmendur dhe komike me protagonistë krijesat e lezetshme të verdha teksa mësojnë të punojnë për zotërinë e tyre të ri, një Gru të ri.

Ngjarja e këtij filmi është vendosur në fillim të viteve 1970, mes artit retro, muzikës disko dhe kostumeve shumëngjyrëshe, të gjitha klasike të njohura të asaj epoke. Gru është një fans 12-vjeçar i grupit “The Vicious 6”, një grup super-antagonistësh. Së bashku me ekipin e tij të sapogjetur të Minions, të udhëhequr nga Kevin, Stuart, Bob dhe të sapoardhurit, Otto, Gru harton një skemë për t'u bërë një antagonist i njohur.

Për më tepër informata rreth orareve vizitoni webfaqen e Cineplexx Kosovo, ndërsa biletat mund t’i bleni përmes aplikacionit apo direkt në kinema prej orës 15:00.