Matuidi: Kam kualitet për të luajtur për klube të mëdha

Mesfushori i Juventusit, Blaise Matuidi, beson se fakti që ka luajtur për Zonjën e Vjetër dhe Paris Saint Germainin thotë shumë për kualitetet e tij.

Francezi kaloi nga Parisi në Torino gjatë afatit kalimtarë të verës dhe për këtë është i lumtur.

30-vjeçari foli pas grumbullimit te Përfaqësuesja e Didier Deschamps për kualiteteve individuale, kjo pas disa kritikave të vogla pas paraqitjeve në Serie A.

“Ndihem shumë mirë. Kam ardhur te një klub i madh me histori dhe ambicie”.

“Sikur PSG-së, Juve dëshiron të fitojë gjithë titujt e mundshëm. Jam te një klub i madh, kam luajtur në Paris dhe tani te Juve. Njerëzit nuk duhet ta marrin këtë si lehtësi”.

“Kam pasur këto mundësi, pavarësisht asaj që thoni ju. Kjo ka ndodhur pasi kam kualitetet për të luajtur për klubet si këto. Juve është klub i madh”.

Matuidi shtoi pavarësisht që është në të tridhjetat ai dëshiron të luajë për Përfaqësuesen e Francës edhe për vitet e ardhshme.

“Kam luajtur në shumë takime për Përfaqësuesen dhe dua të vazhdoj. Konkurrenca për një vend pune është i shëndetshëm dhe normal”, ka thënë Matuidi. /Telegrafi/