LAJMI I FUNDIT:

Matoshi: Shpellën e Gadimes e gjetëm në gjendje të mjerueshme

Matoshi: Shpellën e Gadimes e gjetëm në gjendje të mjerueshme

Ministri i Mjedisit dhe Planifikimit Hapësinor, Fatmir Matoshi, sot ka vizituar edhe Shpellën e Gadimes, një nga vendet më të veçanta turistike në Kosovë.

Me këtë rast, ministri Matoshi ka bërë të ditur se MMPH-ja shumë shpejtë do të fillojë me projekte që kanë për qëllim përmirësimin e infrastrukturës në Shpellën e Gadimes.

“Ka pasur mungesë të investimeve të mirëmbajtjes të shpellës dhe në infrastrukturën përreth saj. Është për keqardhje dhe e turpshme që 20 vjet pas luftës nuk ka tualete për vizitorë tek Shpella e Gadimes dhe ne kemi bërë hapat konkretë për këtë. Javën e ardhshme fillon ndërtimi i tualeteve për t’u krijuar kushte vizitorëve që të jenë më të rehatshëm”, deklaroi ministri Matoshi.

Sipas njoftimit për media, i pari i MMPH-së, tha se gjatë këtij viti do të investohet edhe në rregullimin e ndriçimin brenda Shpellës së Gadimes.

“Në një pjesë të shpellës kemi problemin e ndriçimit të cilin e kemi adresuar dhe do ta zgjidhim përgjatë këtij viti zgjerimin e rrjetit të ndriçimit brenda shpellës. Po ashtu brenda saj kemi dalje të ujërave që e bëjnë të pamundshme vizitat në disa sektorë të shpellës. Po ashtu edhe për këtë po gjejmë zgjidhje, theksoi ministri Matoshi.

Ministri Matoshi ndër të tjerash ka treguar se Shpella e Gadimes shumë shpejt do të plotësohet me stafin e saj.

“Kjo është një shpellë që menaxhohet nga MMPH-ja, ka pasur defekte të shumta në të kaluarën edhe në mënyrë të funksionimit të saj. Tashmë jemi në fazën përfundimtare të kompletimit të shpellës me staf të mjaftueshëm që tu dalim në mbështetje vizitorëve që janë të shumtë që vijnë ta shohin një prej bukurive kryesore që ka vendi ynë”, tha ministri Matoshi./Telegrafi/

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori