Marrëveshja e re NAFTA-së në vështirësi

Më shumë se gjashtë muaj pasi Shtetet e Bashkuara të Amerikës, Meksikës dhe Kanadasë janë pajtuar për një marrëveshje të re për tregtinë rajonale.

Të tre vendet nënshkruan marrëveshjen më 30 shtator, duke i dhënë fund një viti negociatash të vështira pasi presidenti i SHBA-së, Donald Trump kërkoi që negociatat e mëparshme tregtare të rinegocioheshin ose të hiqeshin.

Por marrëveshja nuk ka përfunduar tensionet tregtare në Amerikën e Veriut dhe nëse ratifikimi vonohet atëherë mund të bëhet peng i politikës elektorale, përcjell Telegrafi.

Vonesa do të thotë që bizneset janë ende të pasigurta rreth kuadrit që do të qeverisë investimet e ardhshme në rajon.

Parlamenti i Kanadasë duhet gjithashtu të ratifikojë traktatin dhe zyrtarët thonë se afati kohor është shumë i ngushtë. Ligjvënësit e tanishëm kanë vetëm disa javë punë para fillimit të pushimit veror në muajin qershor dhe anëtarët e parlamentit të ri do të kishin pak mundësi për të adresuar ratifikimin deri në vitin 2020.

Trump ka treguar zhgënjim me Dhomën e Përfaqësuesve të udhëhequr nga demokratët për dështimin e nënshkrimit të USMCA. Ai ka kërcënuar të largohet nga Pakti i Vjetër, apo Marrëveshja e Tregtisë së Lirë të Amerikës së Veriut (NAFTA), nëse Kongresi nuk ngutet. /Telegrafi/