Marrëdhënia e Brad Pitt me Ines de Ramon po bëhet serioze: Ata janë të pandashëm

Sipas raportimeve të fundit, Brad Pitt dhe e dashura e tij Ines de Ramon janë ‘serioz’ dhe ‘shumë të lumtur’ së bashku.

Ylli i “Fight Club”, 59 vjeç, dhe stilistja e bizhuterive, 33 vjeç, morën pjesë në Gala-në e 12-të vjetore të Art+Film të LACMA në Los Angeles të shtunën, ku ata kaluan ‘një kohë të mrekullueshme’ sipas People.

“Ata janë shumë serioz”, tha një burim për çiftin, duke shtuar se të dy janë “shumë të lumtur bashkë”.

“Ata shijojnë shoqërinë e njëri-tjetrit dhe kaluan një kohë të mirë në gala së bashku”, tha burimi.

Dyshja nuk pozuan për foto së bashku në event, por ishin ‘super të dashur, duke qeshur dhe duke bërë shaka me të gjithë rreth tyre’ brenda eventit’.

Ceremonia nderoi regjisorin David Fincher. Pitt punoi me Fincher në “Se7en” (1995), “Fight Club” (1999) dhe The Curious of Benjamin Button” (2008) dhe e prezantoi atë në ngjarje.

Ines dhe Brad – të cilët së shpejti do të shënojnë përvjetorin e tyre të parë të lidhjes – u lidhën për herë të parë në mënyrë romantike në nëntor 2022.

Ata ‘kalojnë pothuajse të gjithë kohën e lirë së bashku’, ka zbuluar më parë një burim për Us Weekly.

Për më tepër, burimi pohoi se de Ramon – e cila u pa duke i bërë dedikim për yllin e “Fight Club” duke mbajtur një gjerdan me shkronjën “B” vetëm disa muaj më parë – është bërë shumë e afërt me “rrethin e brendshëm të miqve” të Pitt.

Kanë kaluar shtatë vjet që kur Pitt u nda me gruan e tij Angelina Jolie, 48 vjeç, me të cilën rriti gjashtë fëmijë. Që atëherë ata janë përfshirë në një grindje shumë publike dhe të diskutueshme për kujdestarinë.

Ish-çifti – i cili u nda në vitin 2016 – janë prindër të Maddox, Pax, Zahara, Shiloh dhe binjakëve Vivienne dhe Knox.

Është raportuar se Pitt ‘nuk është në nxitim’ për të prezantuar të dashurën e tij me gjashtë fëmijët e tij.

Lexo po ashtu Të gjitha lajmet nga Brad Pitt

Ndërsa ‘gjërat mes tyre po shkojnë mirë’, burimi pohoi se Pitt nuk është ende gati për të sjellë plotësisht de Ramon në familjen e tij.

“Nuk është se ai nuk e do Inesin, thjesht se ai dëshiron të sigurojë që kjo marrëdhënie të shkojë në distancë përpara se të bëjë hapin madhor”, shtoi burimi.

Pitt “nuk është në një nxitim për t’i shtyrë gjërat nëse nuk shpaloset në mënyrë organike”, vazhdoi burimi.

Para lidhjes me aktorin, Ines ishte ndarë nga ylli i “The Vampire Diaries”, Paul Wesley, 41 vjeç, pas tre vjet martese në shtator 2022 dhe bëri kërkesë për divorc pesë muaj pas largimit të tyre.

“Brad ka qenë vërtet mbështetës për Inesin ndërsa ajo po kalon divorcin, sepse ai e kupton se si mund të jetë”, tha një burim për Us Weekly në shkurt.

Ajo e mbështeti Pittin teksa ai filloi një betejë të ashpër ligjore me Jolien mbi kantinë e tyre franceze, Chateau Miraval. /Telegrafi/