Marka e Kim Kardashianit po paditet për ‘zbulim të paautorizuar të sekreteve të biznesit’

Linja e kozmetikës së Kim Kardashian, “KKW Beauty” është duke u paditur nga kompania e zhvillimit të markës Seed Beauty mbi rrezikimin e supozuar të ‘sekreteve të tyre tregtare’.

Në një seri dokumentesh të siguruara nga TMZ të premten, Seed Beauty i kërkoi një gjykatësi për “një urdhër të bllokimit të ‘KKW Beauty’ nga zbulimi i sekreteve të saj tregtare dhe praktikave të biznesit” tek gjigandi tjetër i kozmetikës ‘Coty’.

Seed Beauty pretendoi se ata duruan një kërcënim të ngjashëm në vitin 2016 me kompaninë e vjetër të prindërve të Kylie Jenner, “King Kylie”, e cila përfundimisht u ble nga Coty në vitin 2019.

Coty hyri në një ‘partneritet strategjik afatgjatë’ me ‘Kylie Cosmetics’ që u dha atyre 51 për qind të kompanisë dhe u kushtoi rreth 600 milionë, thuhet sipas Forbes.

Në kohën e marrëveshjes Coty, Seed Beauty dyshohet se ‘paralajmëroi Kylie të mos zbulonte sekretet tregtare’, por nuk iu dha asnjë siguri konkrete për sigurinë e modelit të tyre të personalizuar të biznesit nga Kylie ose ekipi i saj.

Coty është marka gjigante e cila fshihet prapa aromave të markave të mëdha, të tilla si: “Covergirl”, “Sally Hansen”, dhe “Gucci”.

Seed Beauty pretendoi se nëse Coty përfundimisht fiton gjyqin ndaj “KKW Beauty”, ‘inteli i tyre i çmuar’ do të vihet në një rrezik edhe më të madh për t’u zbuluar.

Seed Beauty gjithashtu theksoi në dokumentet e tyre ligjore se ata filluan të punojnë me markën e Kardashian ‘rreth një vit’ pasi filluan partneritetin e tyre me ‘Kylie Cosmetics’.

Sipas faqes zyrtare të Seed Beauty, ata e përshkruajnë veten si “destinacionin kryesor për përshpejtimin dhe shkallëzimin në industrinë e bukurive”.

Ato janë ndërtuar duke pasur një ‘kombinim unik të depërtimit dhe largpamësisë në peizazhin e bukurisë’.

Seed Beauty gjithashtu përfaqëson një mori markash të pavarur kozmetike, duke përfshirë: “Colourpop”, “Fourth Ray Beauty”, dhe markën e bukurisë së blogurës së famshme të YouTube-t, Tati Westbrook, të quajtur “Tati Beauty”. /Telegrafi/