Partia “Maqedonia e Vetme” e cila udhëhiqet nga Janko Baçev, përmes një kumtese për media thekson se Maqedonia sërish është vërshuar nga të ashtuquajturat bomba.

Partia e Baçevit thotë se nuk ka asnjë dallim mes “bombave” të Zaevit dhe atyre të personave privat, përcjell Telegrafi Maqedoni.

“Me ‘bombat’ e Zaevit zbulohen aktivitetet kriminale të pushtetit të kaluar të OBRM-PDUKM-së, ndërsa me ‘bombat’ e tanishme flitet për aktivitetet kriminale të LSDM-së dhe BDI-së. Më e rëndësishme është se askush nuk e mohon autenticitetin e ‘bombave’ dhe publikimi i tyre mund ta çojë vendin në një krizël të thellë politike dhe të sigurisë”, thonë nga “Maqedonia e Vetme”.

Ata kërkojnë nga institucionet kompetente që të miratojnë zgjidhje ligjore, që secili që posedon materiale të përgjuara t’i publikojë.

Sipas tyre, vetëm në këtë mënyrë Maqedonia do të ikë nga futja në aventurë të rrezikshme të kërcënimeve me materialet e përgjuara./Telegrafi/