Ministria e Ekonomisë së Maqedonisë së Veriut do të ndajë 1.250 kuponë (ose kartela pagesore) në vlerë prej 12 mijë denarëve (rreth 200 euro), që qytetarët të kalojnë pushimet në ndonjë prej qendrave turistike në vend.
Këta kuponë do t’u jepen qytetarëve, buxhetet familjare të të cilëve nuk tejkalojnë pagën mesatare prej 30 mijë denarëve (rreth 500 euro).
Por, këto mjete financiare do t’u ndahen personave që janë më të shpejtë në mbledhjen e dokumenteve që kërkohen, siç janë: vërtetimi për vlerën e të ardhurave, raporti nga banka për të hyrat në tre muajt e fundit të të gjithë anëtarëve të familjes së ngushtë, certifikata e lindjes, certifikata nga agjencia e punësimit për anëtarët e familjes që nuk janë në marrëdhënie pune, e të tjera.
Taip Nuredini thotë për Radion Evropa e lirë se ka aplikuar për sigurimin e parave për të kaluar pushimet në një nga pikat turistike në Maqedoninë e Veriut. Megjithatë, ai nënvizon se i janë dashur pothuajse një javë që të mbledhë dokumentacionin e nevojshëm, pasi siç thekson, në shumë institucione, ku është dashur të merren këto dokumente, ka pasur pritje të gjata.
“Po, ka qenë mjaft e kushtueshme mbledhja e dokumentacionit për të aplikuar sepse kam paguar te noteri për verifikimin e certifikatave. Pastaj tek Enti për Punësim kam humbur shumë kohë për t’i siguruar vërtetimet, pasi ka pasur radhë të gjata, njësojë sikurse edhe te banka, ku ka pasur radhë të gjata. Në fund, pas gjithë këtij mundi të refuzohesh sepse është mbushur numri, mendoj se nuk është aspak në rregull”, thotë Taip Nuredini nga Shkupi.
Por, nga sektori i hotelerisë thonë se shpërndarja e numrit të vogël të kuponëve, do të ndihmojë shumë pak në rimëkëmbjen e turizmit, një ndër sektorët e goditur më së keqi nga kriza e pandemisë së koronavirusit.
“Kjo ndihmë është minimale sepse kur do t’i ndani në të gjitha kapacitetet e hotelerisë, ky numër i turistëve vendorë, që parashihet të marrin ndihmë nga shteti për të kaluar pushimet në ndonjë nga qendrat turistike, nuk plotëson as 10 për qind të kapaciteteve. Prandaj, vlerësojmë se shteti duhet të rrisë për të paktën dyfish numrin e personave që do të duhej ta merrnin këtë ndihmë”, thotë Kërste Bllazhevski nga Asociacioni i Hotelerive në Maqedoninë e Veriut.
Ndërkaq, agjencitë turistike vlerësojnë se ndihmat nga shteti për sektorin e turizmit, sado të vogla që të jenë, sërish paraqesin një ndihmë të rëndësishme për të mbajtur gjatë këtë sektorë. Megjithatë, shtojnë se aplikimi për të fituar kuponë është i komplikuar dhe do të ishte më mirë, sikur mjetet t’u ndaheshin agjencive turistike dhe të njëjtat do të bënin kompletimin e dokumentacionit, në mënyrë që paratë e ndara nga shteti të mund të shfrytëzoheshin maksimalisht.
Pronarët e hoteleve kanë thënë po ashtu se duhet të përshpejtohet edhe vaksinimi i stafit të sektorit të hotelerisë, në mënyrë që turistët të mund të ndihen të sigurt, gjatë pushimeve të tyre.
“Shpresoj që së shpejti të përfundojë pandemia dhe shteti të ofrojë jo vetëm subvencione, por edhe vaksina. Ndihmat janë shumë të rëndësishme, por më e rëndësishme është vënia nën kontroll e pandemisë dhe kjo mund të arrihet vetëm përmes vaksinimit sa më të madh të qytetarëve, sepse vetëm në këtë mënyrë ata do të ndihen të sigurt për të lëvizur apo për të bërë pushime”, thotë Albert Hani, që drejton një bujtinë familjare në Strugë, buzë Liqenit të Ohrit.
Për të shpëtuar sezonin turistit, gjatë vitit të kaluar, Qeveria e Maqedonisë së Veriut, ndau mbi 100 mijë kuponë në vlerë prej 100 eurosh secila, me qëllim që të nxiste qytetarët të kalonin pushimet brenda vendit. Por, vetëm 65 për qind e këtyre kuponëve u shfrytëzuan për shkak se kategoritë sociale, patën vështirësi të siguronin mjete shtesë, që u nevojiteshin për të arritur në qendrat turistike në Maqedoninë e Veriut./REL/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert