Maqedoni, nuk do të ketë testime për Kovid-19 në kufij

Masa për kërkim të certifikatës për vaksinim apo vërtetim për kalimin e Kovidit-19, Qeveria e miratoi me të vetmin qëllim që vendi mos të njihet si eksportues i virusit. Në konferencën e sotme për shtyp të zëdhënësve të Qeverisë, u theksua se kjo masë është kontribut për mbështetjen e imunizimit masiv si përgjigje më përkatëse të parandalimit të përhapjes së virusit Kovid-19.

“Masa është një shprehje dhe përcaktimi ynë të bëjmë gjithçka që nevojitet që vendi ynë të njihet si një vend i cili udhëheq politika aktive për imunizim dhe i cili nuk duhet të njihet si një vend eksportues i virusit. Duke të merret parasysh se procedurë për sigurim të dëshmisë për vaksinim apo për kalimin e Kovidit-19 është një procedurë e zakonshme për kontroll në vendkalimet kufitare gjatë hyrjes në shumë vende evropiane dhe botërore që qytetarët gjithsesi duhet ta respektojnë dhe për këtë kjo masë në një përqindje të madhe edhe po zbatohet”, deklaroi zëdhënësi i Qeverisë Muhamet Hoxha.

Prej atje u përgjigjën në pyetjen pse vërtetimi për kalimin e virusit nuk zgjatë më shumë se 45 ditë, të paktën gjashtë muaj siç është praktikë në të gjitha vendet e tjera.

“Të gjitha masat të cilat i miraton Qeveria e Republikës së Maqedonisë së Veriut janë sipas rekomandimit të Komisionit për Sëmundje Infektive. Këto dokumente duhet të paraqiten gjatë daljes nga vendi ynë. Çdo qytetar i cili planifikon të dalë nga shteti dhe të udhëtojë dhe në pjesën më të madhe të shteteve evropiane dhe botërore duhet t’i dorëzojë të njëjtat dokumente, certifikatë për vaksinim me dy doza dhe test negativ PCR 72 orë”, deklaroi Hoxha dhe shtoi se nuk do të ketë mundësi për testim në kufij.