Pesë vjet pas ndërprerjes së procesit të numërimit të popullsisë, Maqedonia nuk është gati në asnjë drejtim për të planifikuar nisjen e operacionit të ri statistikor. Edhe pse vazhdimisht është në agjendën dhe programin e partive, apo qeverive, hezitimi për të krijuar terrenin e përshtatshëm për zhvillimin e tij nuk mund të vijojë të justifikohet vetëm me mungesën e vullnetit politik, shkruan gazeta KOHA.
Kështu pohojnë ish pjesëmarrës të këtij procesi me theksin se premisat për realizimin e numërimit të popullsisë janë shumë të vogla, pasi as subjekteve politike maqedonase dhe as atyre shqiptare nuk i leverdis numërimi dhe përballja me rezultatet e tij. Nga ana tjetër ndryshimet ligjore janë të paevitueshme, së bashku me metodologjinë dhe mënyrën e funksionimit të vetë institucionit që do të merret me këtë proces, Entit Shtetëror të Statistikave.
Në programin e Qeverisë thuhet se do të zbatohet regjistrimi i popullsisë sipas standardeve dhe kritereve ndërkombëtare, në mënyrë që të dhënat do t’ju mundësojnë institucioneve shtetërore botës akademike dhe sektorit civil një analizë të vërtetë dhe hartimin e politikave reale në çdo sferë.
Por, akademiku Abdylmenaf Bexheti, ish nënkryetari i Komisionit Shtetëror të Regjistrimit, thotë se këto qëndrime do të vazhdojnë të mbeten deklarative për një kohë të gjatë dhe gjasat për të pasur një proces regjistrimi në një të ardhme të afërt janë shumë minimale.
“Pikësëpari duhet të ndryshojë Ligji për regjistrimin e popullsisë dhe të precizohen normat ligjore që përmbajnë një sërë dualizmash dhe shumë kundërthëniesh brenda vetë sistemit normativ ligjor. Që do të thotë se me këtë ligj nuk mund të pretendohet të bëhet regjistrimi i popullsisë, pavarësisht vullnetit politik. Në këto raporte politike ekzistuese një gjë e tillë nuk mund të ndodhë. Ajo që shkruhet në program është thjesht deklarative, pasi në këto momente të dyja palët i druhen rezultateve të procesit. Pala jonë i druhet mospërfshirjes së bashkatdhetarëve tanë që jetojnë jashtë, pala tjetër i druhet shpërnguljeve masive dhe numrit të madh të maqedonasve që kanë marrë shtetësi bullgare dhe supozohet se janë mbi 120 mijë të tillë, gjë që do të prishte ekuilibrat e përqindjeve. Dhe të dyja palët kanë të drejtë”, thotë për KOHA, Bexheti.
Sipas tij, as presion i ndërkombëtarëve, Eurostatit nuk është i mjaftueshëm që të nxisë nisjen e procesit. Pasi përveç pengesave politike dhe një sërë argumentesh, menaxhmenti i vetë ESHS ka qenë shumë i keq dhe hijet e dyshimet që hidhen mbi këtë institucion dhe transparencën në përpunimin e të dhënave transferohen edhe në të gjitha segmentet e tjera.
Pak ditë më parë, Pjeter Everaers, drejtor i bashkëpunimit ndërkombëtar të Eurostatit i tërhoqi vërejtjen Maqedonisë për vonesat duke sjellë në vëmendje se metodologjia për zbatimin e regjistrimit është e përcaktuar nga Kombet e Bashkuara dhe nuk guxon të jetë lëndë e tregtimit politik dhe shtrembërimit të parimit dhe mënyrës së kryerjes së tij, pasi nëse nuk është operacion klasik statistikor nuk do të pranohet nga ana e Eurostatit. “ESHS duhet në mënyrë të pavarur dhe në bazë të rekomandimeve ndërkombëtare të vërtetojë metodologjinë e grumbullimit të të dhënave të nevojshme, respektivisht për mënyrën se si të grumbullohet të dhënat”, thotë Everaers.
Në debatin dhe presionin nga jashtë për të zhvilluar këtë proces Enti i Statistikave nuk është përfshirë. Ish drejtori, Donço Gerasimovski pak ditë më parë deklaroi se për të siguruar një zhvillim normal dhe konkret të numërimit, duhet të eliminohen dy pengesa, që nënkuptojnë arritjen e një marrëveshje mes partnerëve të koalicionit qeverisës dhe subjekteve të tjera politike, si edhe zbatimi i rekomandimeve të Eurostat-it dhe Kombeve të Bashkuara për të qëndruar pasur një proces sipas të gjitha normave dhe standardeve të lejuara ndërkombëtare.
“Harmonizimi i metodologjisë për evidentimin e popullsisë që është prezent ose jo ne vend deri në një vit e më shumë është një prej problemeve kryesore që duhet të gjejë zgjidhje dhe që lakohet më së shumti nga ekspertët dhe profesionistët e grupeve të ndryshme etnike”, vëren ish drejtori i ESHS. Numërimi i fundit i popullsisë është bërë 15 vjet më parë, ndërsa në vitin 2011 procesi i nisur i numërimit u la në gjysmë.
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre