Ministria e Kulturës akoma nuk e ka gati Strategjinë për zhvillimin e kulturës për katër vitet e ardhshme. Versioni jo zyrtar i këtij dokumenti disa javë më parë ishte pjesë e një debati publik, për t’u plotësuar me sugjerime, propozime nga artistë, shoqata, aktivistë që operojnë në sferën e kulturës, shkruan gazeta KOHA. Nga ky institucion bëjnë me dije se të mërkurën do të organizohet debati i dytë, në Muzeun e Artit Bashkëkohor e me shumë gjasa edhe i fundit, përpara zyrtarizmit të tij.
Dokumenti është përgatitur nga një grup pune dhe do të shërbejë si një bazë për debatin publik intensiv nga të gjitha palët e interesuara përpara miratimit të tij final, që pritet të bëhet pas dy muajsh. Versioni i bërë publik edhe në faqen e Ministrisë, përveç orientimeve për zhvillimin e kulturës gjatë periudhës katër vjeçare, po ashtu përmbante edhe një raport të situatës në shumë institucione të kulturës, kryesisht që lidheshin me veprimet abuzive në mënyrën e pagesës së honorarëve, punësimeve, e të tjera. Në këtë dokument po ashtu konstatohet se pse gjatë viteve të kaluara Qeveria ka akorduar më shumë para për kulturën, dedikimi i tyre është bërë në formë të gabuar, pa koncept, duke penguar zhvillimin e barabartë të kulturës. Por ndërsa në raporte nuk jepet asnjë detaj për diskriminimin edhe në baza etnike, punësimeve, ndarjes së buxhetit, e të tjera, po ashtu nuk ka ndonjë theks të veçantë sa i takon kulturës shqiptare dhe piketave sesi mund të zhvillohet në të ardhmen, përveç një pike ku propozohen masa për të neglizhuar gjuhën e urrejtjes në bazë etnike, fetare, gjinore, e të tjera.
Gjatë harkut kohor mes këtyre dy debateve publike për Strategjinë nuk ka ndonjë informacion nëse ka pasur interesim nga pjesa shqiptare për t’u përfshirë në debat me propozime konkrete. Por as sesi konceptohet nga vetë ky institucion. Sekretari shtetëror, Valmir Aziri, ndër të tjera thotë për KOHA se ajo çfarë do të jetë pjesë e strategjisë për kulturën shqiptare do të duhet të përfshihet në versionin final të dokumentit. Se për çfarë konkretisht mund të bëhet fjalë nuk ka jepen detaje. Ajo që dihet për momentin është se në grupin e punës ka edhe anëtarë shqiptarë, të cilëve iu janë dhënë idetë dhe propozimet që duhet të përfshihen.
“Në tekst nuk janë përfshirë disa sfera, për të cilat Ministria dhe grupet e saj të punës janë duke hartuar analiza më të detajuara e specifike, si edhe propozime që do të përfshihen në draftin e dytë të strategjisë, së bashku me propozimet e rrethit të parë të debatit publik”, njoftojnë nga Ministria e Kulturës. Në debatin e parë për Strategjinë 2018-2022, si propozime të bëra dhe konkluzione të arritura kanë qenë ato për transparencën në vendimmarrje dhe decentralizimin sa më i shpejtë i kulturës si disa prej piketave kryesore mbi të cilat do të duhet të zhvillohen politikat kulturore për periudhën në vijim. Çelja e debatit publik bëhet me qëllimin që qytetarët të jenë pjesë aktive në ndërtimin e vizionit për kahen që duhet të marrë arti dhe kultura në vitet në vazhdim.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë