Maqedoni: Edhe këtë vit shkollor nxënësit po ndjejnë mungesën e teksteve të reja shkollore

Nxënësit e arsimit fillor, posaçërisht ata të ciklit të lartë, edhe këtë vit shkollor do të përballen me problemin e vjetër, libra të dëmtuar ose mungeswn e tyre. Disa nga librat që këtyre ditëve po u shpërndahen nxënësve nuk janë të plotë Përshembull, këtij libri të gjuhës shqipe për klasën e shtatë i mungojnë mbi 20 faqe dhe shumë fletë të tjera të grisura.

I ngjashëm është edhe libri i gjuhës maqedonase si dhe ai i lëndës Histori dhe Gjeografi. Gjithashtu, ndër librat më të dëmtuar për klasën e shtatë është edhe libri i gjuhës angleze ku thuajse çdo fletë është e grisur. Edhe ato pak fletë të mbetura në këtë libër janë të shkarravitura dhe asgjë nuk lexohet nga teksti.

Alsat kontaktoi disa nga drejtorët e shkollave fillore, të cilët konfirmojnë se nxënësve u janë shpërndarë libra të këtillë sepse mungojnë libra të rinjë në lëndë të caktuara. Mungesë më të madhe të librash vërehet në gjuhën angleze, gjuhën gjermane, shqip dhe maqedonisht.

Mungesa e disa teksteve shkollore vazhdon të mbetet sfidë tashmë një dekadë. Në vitin 2018, ish-ministri Arbër Ademi kishte premtuar se librat do të jenë në shitje për të gjitha ata që duan t’i zëvendësojnë librat e vjetër dhe atë me çmimin e njëjtë me të cilën i blen Ministria, por një gjë e tillë nuk kurrë nuk ndodhi. Edhe ministrja e tanishme e Arsimit, Milla Carovska shumë herë ka premtuar se shkollat me kohë do të furnizohen me libra, por edhe ky premtim duket se po kundërshtohet nga gjenda reale e librave të shpërndara në shkolla.

Përveç shkollave fillore, edhe shumë shkolla të mesme në vend akoma nuk janë furnizuar me libra, posaçërisht ato me drejtime profesionale ku ka mungesë tekstesh në profile të caktuara. Shumica e prindërve, në mungesë të teksteve shkollore, kanë nisur që të bëjnë fotokopje të librace duke shpenzuar shuma të majme parash./Alsat/