Manojloski: U legjitimova si deputet, por policia më ndaloi dhe më kontrolloi pa arsyetim

Deputeti nga radhët e OBRM-PDUKM-së, Goran Manojloski i cili braktisi seancën e Komisionit për Punë dhe Politikë Sociale, në shenjë revolte për shkak se është kontrolluar policia në hyrje të lagjes ‘Gjorçe Petrov’.

Ai thotë se pasi është legjitimuar se është deputet, zyrtarët policorë e kanë kontrolluar dhe e kanë lëshuar pa dhënë arsyetim se pse e kanë ndaluar. Ai njoftoi se do të ankohet në MPB dhe do të kërkojë që të hetohet i gjithë rasti, përcjell Telegrafi Maqedoni.

“Rreth orës 11:00 në rrethrrotullimin në lagjen ‘Gjorçe Petrov’ u ndala nga dy zyrtarë policorë të armatosur me automatik dhe pancir. Në mënyrë të përzgjedhur automjeti im ishte veçuar, më thanë të parkohem dhe ta fik automjetin. Kur dhashë legjitimim më thanë se nuk vlen, më kontrolluan dhe më lëshuan. Nëse nuk respektohet ligji për ne deputetët, çfarë ju mbetet qytetarëve tjerë?Nuk është e saktë se të gjitha automjetet janë ndaluar në mënyrë joselektive, ka kamera dhe fotografi, mund të shihet se si automjeti është përzgjedhur”, tha Manojlloski.

Lexo po ashtu Policia nuk e di se Manojllovski është deputet, e kanë kontrolluar makinën e tij për shkelje eventuale

Ai nuk tha se si do të veprojë në Kuvend, pas lëshimit të seancës së sotme me arsyetimin se do ta shohë qëndrimin përfundimtar të MPB-së për rastin në fjalë.

Nga MPB thonë se policia ka zbatuar kontrolle në lidhje me grabitjen e bankës që ndodhi sot në Saraj dhe se policia në teren nuk e ka ditur se ka ndaluar deputet./Telegrafi/