Kombëtarja e Italisë e ka nisur me fitore kampanjën kualifikuese për Euro 2020, duke marrë një tre pikësh përballë Finlandës.

Nico Barella dhe Moise Kean shënuan dy golat në fitoren e pastër të Italisë 2-0 ndaj Finlandës.

E me këtë fitore ka mbetur i lumtur trajneri i Azzurrëve, Roberto Mancini.

“Nuk ishte fitore e lehtë, pasi Finlanda mbrohej me pesë mbrojtës dhe ishte vështirë për t’i thyer”.

“Jam shumë i lumtur me këtë fitore dhe shpresojmë të vazhdojmë kështu”, u shpreh Mancini.

Moise Kean. (Foto: Claudio Villa/Getty Images/Guliver)

Tekniku italian ka lavdëruar edhe dy talentet, sulmuesin Moise Kean dhe mesfushorin Nicolo Zaniolo.

“Keane ka kualitet dhe potencial të madh, jashtëzakonisht të madh dhe e ardhmja varet totalisht nga ai. Nuk kam rrezikuar aspak për ta futur në lojë. Atë dhe Zaniolon i inkuadroj me dëshirë të madhe në fushë pasi më japin kënaqësi”, ka deklaruar Mancini.

Ndeshjen e radhës Italia do ta zhvilloj përsëri në shtëpi, ku do të jetë nikoqir i Litenshtajnit. /Telegrafi/