Manchester United vë në shitje nëntë lojtarë, Solskjaerit nuk i interesojnë emrat

Manchester United ka vënë nëntë lojtarë në shitje në këtë verë, pasi Ole Gunnar Solskjaer shpreson të mbledhë fonde për më shumë transferime.

Ka qenë deri më tani një afat kalimtar i mirë për Djajtë e Kuq, me transferimin e Jadon Sancho që më në fund u konfirmua dhe Raphael Varane që arriti para pak ditësh.

Shtimi i dy lojtarëve të një klasi kaq të lartë do të rrisë shanset e Solskjaer për të fituar Ligën Premier pas afro dhjetë vitesh.

Megjithatë, sipas raportimeve, trajnerit iu dha një buxhet transferimi prej 100 milionë funtesh, të cilin tani ai e ka shpenzuar për ato dy marrëveshje, dhe do t’i duhet t’i shesë në mënyrë që të blejë dikë tjetër.

Sipas ESPN, ka nëntë lojtarë që Djajtë e Kuq do të ishin të gatshëm t’i shesin, për çmimin e duhur, pa disponueshmërinë e mundshme të Paul Pogbas.

Jesse Lingard, Brandon Williams, Anthony Martial, Diogo Dalot, Phil Jones, Alex Telles, Andreas Pereira, Daniel James dhe Axel Tuanzebe thuhet se janë në dispozicion.

Lista nuk përfshin Pogban, kontrata e të cilit skadon në fund të sezonit të ardhshëm, kur ai pastaj mund të largohet nga klubi si lojtar i lirë, për herë të dytë në karrierën e tij.

Sipas raportimeve, mesfushori francez tashmë ka refuzuar një ofertë për një kontratë të re nga klubi dhe është i hapur për një lëvizje te PSG.

Në anën tjetër, Eduardo Camavinga , Leon Goretzka, Kieran Trippier dhe Ruben Neves janë lidhur të gjithë me një kalim në Old Trafford, pasi Solskjaer e preferon skemën 4-3-3. /Telegrafi/