“Manchester United është mbeturinë” – BBC kërkon falje pas këtij teksti që u transmetua në ekran

BBC ka kërkuar falje pas një gabimi nga ku u shfaq në kanalin e lajmeve një titull “Manchester United është mbeturinë”.

Teksti doli gabimisht në SG-n e lajmeve në fund të ekranit gjatë kohës kur transmetohej në ekran një raportim për lojë tenisi pak pas orës 09:30 të martën, transmeton Telegrafi.

Më vonë në mëngjes, prezantuesja Annita Mcveigh kërkoi falje për çdo tifoz të Manchester United që mund të jetë ofenduar.

Ajo tha se gabimi kishte ndodhur pasi dikush po mësonte se si të përdorte shiritin e lajmeve dhe “po shkruante gjëra kot”.

Një mesazh tjetër që u shfaq aty thjesht shkruante “Shi moti kudo”.

“Pak më herët, disa prej jush mund të keni vënë re diçka mjaft të pazakontë në tabelën që shfaqet në fund të ekranit me lajme me një tekst për sa i përket Manchester United, dhe shpresoj që tifozët e Manchester United nuk janë ofenduar nga ajo”, iu tha Mcveigh shikuesve.

“Më lejoni të shpjegoj vetëm se çfarë po ndodhte: prapa skenave, dikush po praktikonte për të mësuar se si të përdorte shiritin dhe të vendoste tekst në të, kështu që ata thjesht shkruanin gjëra të rastësishme jo seriozisht dhe ai koment u shfaq”.

“Kështu që ju kërkoj ndjesë nëse e keni parë këtë dhe jeni ofenduar dhe jeni një tifoz i Manchester United”.

“Por sigurisht që ishte një gabim dhe nuk ishte menduar të shfaqej në ekran”. /Telegrafi/

Apology by BBC News after a trainee, learning how to put text on the ticker (the headlines that run along the bottom of the screen) accidentally published the words “Manchester United are rubbish” live on the broadcast…

Fair and accurate reporting, imo.pic.twitter.com/LzVAWt2lCT

— Rob O’Hanrahan (@RobOHanrahan) May 24, 2022