Manchester City ka fituar ndaj Marseilles me rezultat të thellë 3-0 në kuadër të xhiros së dytë të fazës së grupeve në Ligën e Kampionëve.
Qytetarët e nisën ndeshjen në sulm, duke radhitur rastet para portës së francezëve.
Nuk vonoi shumë dhe erdhi edhe goli i epërsisë. Kevin De Bruyne asiston bukur te Ferran Torres, i cili nga afër shënon për 1-0.
https://twitter.com/noobfcb/status/1321205860870377474
Aymeric Laporte, De Bruyne dhe Oleksandr Zinchenko, kishin raste të mira për Cityn në pjesën e parë, por nuk arritën ta dyfishonin epërsinë.
Në pjesën e dytë Marseille rrezikoi me Florian Thauvin, por portieri ishte në vend.
Goli i sigurisë për anglezët erdhi në minutën e 76-të, kur Ilkay Gundogan shënoi për 2-0.
https://twitter.com/noobfcb/status/1321205862514515977
Në fund të ndeshjes kishte kohë që edhe Raheem Sterling të linte gjurmë në këtë ndeshje, kur shënoi për 3-0 pas asistimit të De Bruyne.
https://twitter.com/noobfcb/status/1321205864221519872
Me këtë fitore Manchester City ka gjashtë pikë nga dy ndeshje, ndërsa Marseille mbetet pa pikë. /Telegrafi/
