Manchester City nuk e fal Watfordin – fiton me goleadë

Manchester City e ka mposhtur Watfordin 4-0 në kuadër të javës së 37-të në Ligën Premier.

Pas gjysmë ore lojë, Citizens kaluan në epërsi me anë të Raheem Sterling që u asistua nga Kyle Walker.

Anësori anglez kishte shansin që të realizonte edhe golin e dytë në minutën e 40-të nga penalltia, por që dështoi.

Fatmirësisht, topi iu rikthye sërish në këmbë dhe arriti të shënonte për 2-0.

Në pjesën e dytë, ishte sërish City që kishte iniciativën, ndërsa Ohil Foden u fut në listën e realizatorëve me golin e shënuar në minutën e 63-të.

Tre minuta më vonë, Aymeric Laporte shënoi për 4-0, me një asistim fenomenal nga Kevin de Bruyne, për të vulosur kështu fitoren.

Pas javës së 37-të, Manchester City është në vendin e dytë me 78 pikë, ndërsa në xhiron e 38-të, që është e fundit, do takohen me Norwichin. /Telegrafi/

https://www.youtube.com/watch?v=g-zsGELVYhs&ab_channel=FASTERGOAL

https://www.youtube.com/watch?v=BzBz1kw8ldI&ab_channel=FASTERGOAL

https://www.youtube.com/watch?v=acTMVoW2FKM&ab_channel=SoccerPlayer

https://www.youtube.com/watch?v=LUQMb9pMnWU&ab_channel=%D8%A7%D9%84%D8%A3%D9%87%D9%84%D9%88%D9%8A%D9%87Alahlwaya