Man City i bashkohet garës për transferimin e Lautaros

Manchester City thuhet se ka marrë një nxitje të madhe në ndjekjen e tyre për transferimin e sulmuesit të Interit, Lautaro Martinez.

Martinez kohëve të fundit ka zgjatur kontratën me kampionin aktual të Serie A, kontratë e cila e vlefshme deri në vitin 2026.

Megjithatë, forma e tij jo e mirë në vitin 2022 ka bërë që drejtuesit e Nerazzurrëve të jenë të përgatitur për largimin e tij të mundshëm.

Lexo po ashtu Liverpooli lidhet me transferimin e Lautaros

Klubi anglez, Liverpooli dhe ai spanjoll, Atletico Madridi u përfolën si dy skuadrat më të interesuara për Lautaron, por tani do ta kenë edhe një rival të fortë.

Sipas gazetës The Sun, City është i interesuar të nënshkruajë me sulmuesin argjentinas, duke tentuar t’i mposhtë në këtë garë rivalët e tyre, Liverpoolin.

Interi gjithashtu nuk po qëndron duarkryq pasi tashmë ka etiketuar pasuesit e mundshëm të Lautaros në Giueseppe Meazza.

Lexo po ashtu E ardhmja e Lautaros te Interi në dyshim, Marotta synon përforcime në sulm dhe ka tre emra në listë

Marcus Thuram i Borussia Monchengladbach dhe Gianluca Scamacca i Sassuolos janë dy emrat më të përfolur për t’u transferuar në verë te Interi.

Në anën tjetër, Interi nëse vendo shitjen e argjentinasit, do të kërkoj të paktën 80 milionë euro për shërbimet e tij. /Telegrafi/