Shefi ekzekutiv i prodhuesit të makinave elektrike, Elon Musk, ka deklaruar në një postim në Twitter se mallrat e Tesla Inc mund të blihen duke përdorur monedhën dixhitale Dogecoin.

Produktet të tilla sikurse “Cyberwhistle” dhe “Cyberquad for Kids”, mund të blihen duke përdorur kriptovalutën, sipas faqes së internetit Tesla.

Sipas medieve të huaja, përcjell Telegrafi, Musk kishte shkruar në Twitter gjatë muajit dhjetor se Tesla do të pranojë Dogecoin si pagesë për mallrat në baza të testimit. /Telegrafi/