Machin: Sevilla nuk do të luajë për barazim

Bosi i Sevillas, Pablo Machin, ka premtuar se ai nuk do të luajë për barazim.

Ekipi andaluzian ka kreun tabelar në La Liga me një pikë më shumë se Barcelona, por tash vjen testi më i vështirë i sezonit, vizita në Camp Nou ndaj Barcës që s’ka fitore në katër ndeshjet e fundit.

“Premtohet të jetë një ndeshje e buukr, sigurisht se do të jetë ndeshja kryesore e ditës”.

“Ne arrijmë si liderë dhe synimi është të jemi ende liderë pas vërshëllimës së fundit. Kurrë nuk luaj për barazim pasi besoj se mund të arrijmë rezultat pozitiv në cilin do stadium”.

“Po përballemi ndaj një prej ekipeve më të vështira në botë, me lojtarët më të mirë në botë, por gjithmonë ka mundësi për shënim dhe fitore”.

“Ne synojmë të fitojmë secilën ndeshje, por nuk mund të mendojmë në suaza afatgjate për mundësitë që kemi, ne duhet të shkojmë hap pas hapi”.

“Ne po flasim vetëm për opsione për të fituar, ne nuk duam që të fokusohemi në ndonjë gjë tjetër pos në faktin se kush jemi ne. Nuk jemi kot në krye të tabelës”, u shpreh Machin.

Sfida zhvillohet nga ora 20:45 në Camp Nou sonte (e shtunë). /Telegrafi/