Macaulay Culkin, aktori që la gjurmë në vitet '90 si Kevin McCallister, ka thënë se është i hapur për t'u rikthyer në serialin "Home Alone" - por vetëm nëse projekti bëhet siç duhet.
"Duhet të jetë tamam siç duhet", tha Culkin, i cili aktualisht është në turneun "A Nostalgic Night with Macaulay Culkin".
Në një intervistë me Variety, ai zbuloi gjithashtu idenë e tij për një vazhdim të mundshëm.
- YouTube www.youtube.com
Sipas idesë së tij, Kevini tani është një i rritur - i divorcuar ose i ve - që po rrit një fëmijë i vetëm.
Për shkak të punës dhe detyrimeve, ai e neglizhon të birin, gjë që krijon një marrëdhënie të tendosur mes tyre.
"Mua më lindi kjo ide", tha Culkin.
"Po punoj shumë, nuk po i kushtoj vëmendje të mjaftueshme, fëmija zemërohet me mua dhe pastaj disi më bllokojnë jashtë shtëpisë. Dhe djali im nuk më lejon të hyj... dhe është ai që më ngre kurthe".
Macaulay Culkin
Në këtë skenar, rolet përmbysen plotësisht - këtë herë nuk është Kevin ai që ngre kurthe, por ai që duhet t'i mbijetojë atyre.
Culkin shtoi se shtëpia në atë histori ka edhe një kuptim simbolik.
"Shtëpia është një metaforë për marrëdhënien tonë", shpjegoi ai.
"Ky është përshkrimi më i shkurtër dhe më i qartë i idesë që kam deri më tani. Nuk jam plotësisht kundër një vazhdimi, por vetëm nëse është gjëja e duhur".
Françiza e "Home Alone" e ktheu Culkin në një nga yjet më të mëdhenj të Hollywoodit të viteve 1990. /Telegrafi/
