LAJMI I FUNDIT:

‘Lutja e detit’, një histori nga Khaled Hosseini për Alanin tre vjeçar nga Siria (Foto/Video)

‘Lutja e detit’, një histori nga Khaled Hosseini për Alanin tre vjeçar nga Siria (Foto/Video)

Në përkujtim të Alan Kurdit, djalit 3-vjeçar nga Siria, i cili u mbyt në vitin 2015, teksa mundoheshin të arrinin në Greqi, shkrimtari i famshëm afgan Khaled Hosseini shkroi “Lutja e detit” (Sea Prayer).

Letra imagjinare, është shkruar në formën e një monologu, dërguar nga një baba sirian, djalit të vet. Teksa ai është në gjumë në prehrin e të atit, në prag të lundrimit të tyrë drejt Europës, transmeton dritare.net.

Një natë para udhëtimit fatal, babai reflekton me djalin e tij mbi jetën në Siri para luftës dhe të ardhmes së panjohur.

Hosseini, një nga shkrimtarët më të lexuarit të momentit, është autor i “Gjuetari i balonave”, “Dhe malet oshtinë”, “Një mijë diej vezullues”, botuar në shqip nga Shtëpia Botuese OMSCA-1.

Khaled Hosseini

“Lutja e detit” është narrativa e parë e cila vjen edhe në formën e një filmi të animuar 360°. Ky film është bërë në bashkëpunim me UNHCR.

Alan Kurdi

Rrëfyer nga aktori fitues i çmimit Bafta, Adeel Akhtar, i cili ka rolin e babait, “Lutja e detit” vendoset në qytetin Homs, Siri, një zonë lufte e shkatërruar, ku ai u rrit dhe bashkë me djalin detyrohen, ta braktisin.

Njerëzit nga Siria vazhdojnë të bëjnë përpjekje për këtë udhëtim, ku shumë humbasin jetën gjatë lundrimit. Që prej vdekjes së Alan, të paktën 8,500 refugjatë dhe emigrantë kanë vdekur ose kanë humbur, teksa mundohen të kalojnë në detin Mesdhe.