Luma: Për shkak të rritjes së ndikimit, “Bota e Re” blihej në mënyrë të organizuar për të mos shkuar në duart e qytetarëve

Ernest Luma ishte një kontribuues si student me shkrimet e tij në gazetën e studentëve “Bota e Re”.

Luma në “Debat Plus” me Ermal Pandurin në RTV Dukagjini thotë se kur “Bota e Re” filloi të kishte ndikimin e saj në opinion se diçka po vlonte ndodhi diçka e pazakontë.

“Më ka bërë përshtypje blerja e shumë ekzemplarëve nga persona të caktuar në pikat ku shitej kjo gazetë. Unë edhe sot këtë e quaj konfiskim të gazetës. Kosova nuk ishte futur ende në luftë. Por gazeta blihej që të mos binte në duar të popullit”.

Luma thotë se përderisa kjo blerje në vitin 1997 nuk dihej saktë në vitin 1998 u bë një blerje masive nga serbët.

“Në vitin 1998 gazeta konfiskohej nga policia serbe në të gjitha pikat e marketeve dhe kiosqet ku shitej. Kursi editorial i kësaj gazete ishte ndesh me politikën e asaj kohe. Kursi i LDK-së në atë kohë ishte që gjërat të mos lëviznin ashtu”.

Luma thotë se një mbështetje të madhe në atë kohë për shtypjen e gazetës kanë dhënë diplomatët shqiptarë që me makinat e tyre me imunitet transportonin gazetat./Telegrafi/