Luka Modric merr edhe një çmim individual – ai shpallet “Golden Foot 2019”

Luka Modric e ka fituar çmimin “Golden Foot 2019”, një trofe individual që jepet për futbollistët mbi moshën 29 vjeç, karriera e të cilëve ka qenë shumë e suksesshme.

Lojtari i Real Madrid udhëtoi drejt Monacos për të marrë këtë çmim prestigjioz që e riafirmon atë si një nga lojtarët më të mirë të futbollit të kohëve të fundit.

“Golden Foot” i shtohet medaljeve individuale të kroatit, që arriti maksimumin vitin e kaluar kur ai fitoi “Topin e Artë”.

Monaco 🇲🇨 pic.twitter.com/VB7kdOGBIt

— Luka Modrić (@lukamodric10) November 12, 2019

34-vjeçari bëhet kështu lojtari i 17-të që mori këtë çmim (për herë të parë u dha në vitin 2003 dhe e fitoi Roberto Baggio gjatë kohës kur luante te Brescia).

“Është një nder për mua marrja e këtij çmimi. Unë po kthehem në nivelin tim më të mirë siç tregova në ndeshjen e fundit”.

“Janë shtatë ndeshje shumë të rëndësishme deri në fund të vitit dhe ne do të vazhdojmë të luajmë mirë”, ka thënë Modric gjatë ceremonisë së zhvilluar në Monaco.

🚨Luka #Modric remporte le Golden Foot 2019

Trophée qui récompense les joueurs d'au moins 29 ans qui se démarquent par leurs résultats sportifs et leur personnalité.

Il entre dans le cercle fermé des grands joueurs ayant reçu cette distinction comme Casillas, Pirlo, Ronaldinho. pic.twitter.com/kN7bKp1Ac9

— Real Merengue (@VraiMerengue) November 12, 2019

Fituesi në fuqi i “Golden Foot” ishte Edison Cavani i PSG që e mori vitin e shkuar. /Telegrafi/