Luiz Ejllit i është caktuar një mision nga 'vëllai i madh' që ka të bëjë me injorimin e partneres së tij, Kiara Tito.
Nga mbrëmë (e enjte) Luizi ka nisur t'i ftohë raportet me Kiarën në kuadër të mision që iu dha, por këtë nuk po e pret mirë moderatorja.
Duke e kuptuar si një sjellje reale nga ana e kënëgtarit drejt saj, Kiara është prekur madje edhe ka shpërthyer në lot.
Foto: Screenshot/Big Brother VIP Albania
Pas disa tentimeve për t'i sqaruar me të, Kiara më pas ka qëndruar e vetme në oborrin e shtëpisë teksa u pa e përlotur.
Megjithatë, në disa raste në pamundësi të zbulonte misionin e tij, Luiz i tha se veprimet e tij nuk kanë të bëjnë me të, por ai është i ngarkuar pasi finalja është afër.
Foto: Screenshot/Big Brother VIP Albania
Në lidhje me gjithë këtë situatë mes çiftit është publikuar edhe një bisedë e Luizit në 'dhomën e rrëfimit' kur ai kishte harruar të fikte mikrofonin.
Në audio që është bërë virale tashmë, këngëtari shkodran flet për ftohjen e raporteve me Kiarën duke thënë se lidhjes së tyre i ka ardhur fundi.
Ndërkohë, ky mision që iu dha do të zgjasë deri në spektaklin e së shtunës kur edhe është paralajmëruar një befasi e madhe për Kiarën. /Telegrafi/
