Luana Vjollca publikon fotografi me mavijosje në fytyrë e duke qarë, në kuadër të projektit të ri “Thuaje”

Moderatorja dhe këngëtarja e njohur shqiptare, Luana Vjollca, është rikthyer pas një kohe të gjatë me një projekt të ri – njëherësh shumë të veçantë larg muzikës e televizionit siç u mësuam ta shihnim.

Bëhet fjalë për “Thuaje”, në të cilën ka rrëfyer histori të ndryshme nga jeta personale e ka synuar ndërgjegjësimin ndaj bullizmit.

Përmes pjesës së parë të shpërndarë javën e kaluar, ajo ka zbuluar se do të shfaqë pesë historitë e saj që e kanë bërë Luanën, kjo që është sot.

Në një postim tjetër të hedhur në Instagram, biondja shfaqet me mavijosje e shenja dhune në fytyrë.

Lexo po ashtu “Quhesh plastikë dhe silikon”, Luana Vjollca në projektin e ri flet për paragjykimet ndaj ndryshimeve në pamje: Kam zgjedhur gjithmonë të hesht

“Traumë e vjetër”, ka qenë përshkrimi që ia ka vënë postimit – referuar pjesës tjetër që do të vijë në kuadër të “Thuaje”.

Në historinë e parë të trajtuar, 30-vjeçarja ka folur edhe për paragjykimet ndaj ndryshimeve në pamje, ku tha se gjithmonë ka zgjedhur të hesht.

Për më shumë, pritet të shohim se çfarë do të sjellë në ditët në vijim. /Telegrafi/

View this post on Instagram

A post shared by LUANA VJOLLCA (@luanavjollca)