LSDM: Pushteti vonon kthimin e TVSh, Qeveria: Nuk kemi asnjë borxh

Qeveria e instruktuar nga Nikola Gruevski në vend që të promovojë projekte vendore, le të sqarojë përse vonohen pagesat për kthimin e TVSh ndaj firmave vendore, kanë reaguar nga LSDM.

„Me mekanizmat e presionit përmes dënimeve të larta dhe vonesës së kthimit të mjeteve financiare ndaj firmave vendore që u takon me ligj, ky pushtet punon vetëm për mbylljen e firmave. Rezultat i politikave shkatërruese ekonomike janë 10.000 firma të mbyllura vendore. Çdo e treta firmë punon me llogari të bllokuar”, thuhet në reagimin e LSDM.

Për shkak të kushteve të këqija për punë dhe jetesë, Maqedoninë deri më tani e kanë lëshuar madje 626.312 qytetarë, akuzojnë nga kjo parti.

“Këto janë rezultatet e pushtetit kriminal në ikje të Gruevskit”, porosisin nga LSDM.

I menjëhershëm ka qenë reagimi i Ministrisë së financave përmes një reagimi me shkrim, në të cilën theksohet se sot përfaqësuesit e shoqërisë së biznesit përmes një konferencë për shtyp kanë bërë të ditur se nuk ka vonesë në pagesat e obligimeve nga ana e shtetit.

“Njëri nga përfaqësuesit e odave kishte dhënë një propozim për sa i përket shkurtimit të periudhës së procedurës së kthimit të TVSh, e cila zbatohet vite me radhë dhe përmban mekanizma për mbrojtjen e parave shtetërore nga keqpërdorimet lidhur me TVSh, siç janë kontrollet tatimore”, thuhet në reagimin e Ministrisë së financave./Telegrafi/