Lluka: Masat efiçiente të energjisë do të vazhdojnë edhe në institucione tjera në tërë Kosovën
Nga dita e hënë ndërtesa e Administratës dhe Hemodializës në Spitalin e Gjakovës është bërë me masa të efiçiencës së energjisë. Kjo falë investimit të Ministrisë së Zhvillimit Ekonomik, përmes kredisë së Bankës Botërore për Projektin e Kosovës për Efiçiencë të Energjisë dhe Energji të Ripërtritshme.
Në ceremoninë inauguruese të këtij projekti morën pjesë ministri i Zhvillimit Ekonomik, Valdrin Lluka, menaxheri i Bankës Botërore për Kosovën, Marco Mantovanelli dhe përfaqësues të Spitalit të Gjakovës.
Lluka tha se “Jemi këtu bashkërisht që të shohim punimet dhe përurimin e projektit këtu ku jemi te hemodializa. Është një projekt i cili ka për qëllim që të gjitha objektet qendrore të bëhen efiçiente. Ky objekt është ndryshuar tërësisht nga jashtë. Deri në fund të projektit parashikohet të implementohen projekte renovuese në rreth 140 ndërtesa publike në tërë Kosovën. Është me rëndësi ndikimi në ambient, vetëm me këto projekte do të evitohet emetimi i dioksidit të karbonit. Projekti ka vlerë 30 milionë euro.
Ai tha se MZHE do të vazhdojë të përkrahë projekte të këtilla pasi që Efiçienca e Energjisë paraqet prioritet për MZHE-në dhe zhvillimin ekonomik të vendit, krijimin ambientit të pastër dhe gjenerimin e vendeve të punës.
Ndërsa, drejtori i Bankës Botërore për Kosovë, Marco Mantovanelli, tha se me ministrin Lluka kemi filluar vitin e kaluar zbatimin e masave te efiçiencës së energjisë në Prishtinë, por tash edhe ne qytete tjera te Kosovës. Jemi duke ndihmuar Kosovën në renovimin e ndërtesave publike në kuadër të zbatimit të masave të efiçiencës së energjisë, deri në fund të projektit do të renovohen 100 objekte, kosto e të cilave është rreth 30 milionë dollarë.
Drejtori i Spitalit të Gjakovës, Ahmet Asllani, u shpreh i kënaqur me investimet që janë bërë në ndërtesat e Spitalit të Gjakovës. Ai derisa prezantoi investimet e bëra këtë vit, tha se, viti 2018 shënon vitin e sukseseve të mëdha në këtë spital që nga paslufta.
“Këtë vit spitali ka qenë kantiere ndërtimi! Së pari është ndërtuar në efiçiencë në administratë e hemodializë, së shpejti do të fillon edhe ndërtesa e ambulancave specialistike”, u shpreh ai.
Renovimi i kësaj ndërtese është realizuar në kuadër të pakos prej 20 ndërtesave publike/qeveritare të kontraktuar në vlerë prej 3.4 milionë euro, e cila kontratë pritet të përfundoj në fund të muajit tetor. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Abonohu në Shqip.ai - Zbulo pakot e reja të çmimeve
Sistemi bankar stabil
Qytetarët së shpejti do të rimbursohen për kthimin e shisheve të plastikës, qelqit e kanaçet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë