Lloris: Kane, në linjën e njëjtë me Messin dhe CR7

Portieri francez, Hugo Lloris ka thurë elozhe për bashkëlojtarin e tij, sulmuesin anglez, Harry Kane, të cilin e ka krahasuar me Lionel Messin dhe Cristiano Ronaldon.

Kane ka shënuar dy het-trike radhazi në Ligën Premier, për ta rrëmbyer pozitën e parë të shënuesit më të mirë të vitit në Evropë.

Sulmuesi anglez ka bërë plot 56 gola, duke lënë pas vete Lionel Messin me 54 gola dhe Robert Leëandoëskin e Cristiano Ronaldon me nga 53 gola brenda vitit kalendarik.

Lexo po ashtu Harry Kane mbi të gjithë, lë pas Messin, Ronaldon, Cavanin dhe Lewandowskin- Shpallet shënuesi më i mirë i vitit 2017

Paraqitjet e tij brilante me Tottenhamin kanë bërë që sulmuesi të marr elozhe nga të gjithë.

I fundit është bashkëlojtari i tij, Lloris, i cili e ka krahasuar atë me dy lojtarët më të mirë në botë viteve të fundit, Messin dhe Ronaldon.

“Me lojtarë si Messi dhe Ronaldo është e vështirë për t’i ndjekur ata”, ka thënë fillimisht Lloris.

Lexo po ashtu Shearer: Kane do shkëlqente për Realin ose Barcelonën

“Por, Harry Kane është në linjën e tyre dhe ai është ende shumë i ri”, përfundoi portieri francez.

Ndryshe, Kane ka thyer edhe rekordin e Alan Shearerit për gola të shënuara në Ligën Premier brenda një viti kalendarik, pasi në 2017 ka shënuar 38 gola. /Telegrafi/