LAJMI I FUNDIT:

Lladrovci takon Thaçin dhe Veselin në Hagë

Lladrovci takon Thaçin dhe Veselin në Hagë

Kryetari i Komunës së Drenasit, Ramiz Lladrovci gjatë ditës së sotme ka vizituar në Hagë ish krerët e Ushtrisë Çlirimtare të Kosovës, Hashim Thaçi dhe Kadri Veseli.

Lladrovci përmes një postimi në profilin e tij në Instagram ka përshkruar takimin me shumë emocione, siç ka theksuar ai në fillim të takimit nuk ka ditur as nga t’ia filloi, transmeton Telegrafi.

“Njohja ime me ish presidentin, kryeministrin, Drejtorin e Drejtorisë politike të UÇK-së, është shumë e hershme. Aq e hershme sa në fillim të takimit, nuk e dija as nga t’ia filloja. Mall i fuqishëm sa fryma më zihej dhe tërë një jetë më doli përpara.

Më dolën përpara shokët që më nuk i kemi, shokët që e bënë historinë. Pastaj, u ktheva në realitet, kjo barrë e pashembullt që i është ngarkuar heronjve tanë të luftës dhe paqes është edhe një betejë që do ta bëjnë për Kosovën, edhe një betejë për kombin”, thotë Lladrovci, transmeton Telegrafi.

Tutje, ai ka shtuar “gjatë kohës sa qëndrova me Hashimin, pata rastin t’i them se shpirti po na digjet për ta, ndjenjat po na vlojnë, por, kemi besim se gjithçka do të jetë në rregull dhe drejtësia do të triumfojë”.

“Shoku im Hashimi, ishte sikur i ditëve të para të njohjes tonë, plotë energji, besim në veten dhe kauzën që përfaqëson, kauzën e drejtë të cilën ia ngarkoi historia – mbrojtjen e popullit të tij dhe shtetit që u krijua nga sakrifica mbinjerëzore e atdhetarëve dhe bota demokratike, në krye me NATO-n. Edhe një herë ia hoqi retë e zeza Kosovës”, ka theksuar më tej ai.

Kreu i Drenasit e ka përshkruar të vështirë edhe takimin me Kadri Veselin.

“Ta kesh shok e mik Kadri Veselin, është bekim. Takimi ishte i vështirë, sepse, me jetën e tij dhe atdhetarizmin e kulluar, nuk e ka merituar as një minutë të jetë i penguar për ndërtimin dhe fuqizimin e shtetit të Kosovës.

Si çdo herë, Kadriu flet me zemër, me plotë besim në rrjedhën e ngjarjeve të mira për Kosovën dhe popullin e saj, sepse, ne ishim në anën e duhur të historisë, ishim të brumosur me ndjenjat më humane përballë okupimit që domosdo duhej ndërprerë, me çdo çmim”, ka pohuar ai.

Lladrovci ka theksuar se “takimi tre orësh, kaluan si tre minuta”.

“Ishte e pabesueshme se sa lehtë Kadriu e interpreton të tashmen dhe të ardhmen tonë euro-atlantike, vlerat e shtetit tonë, të njerëzve tonë, durimin e tij dhe heroizmin e paparë që e cilëson çdo popull fisnik – sakrificën. Ndarja ishte e rëndë, plumb, megjithatë, liria e shpirtit të tij është e pacenueshme, e ngjashme sikur e të gjithë atdhetarëve tanë, të cilët ishin në gjendje të japin gjithçka për lirinë e Kosovës. Kosova kurrë nuk do të mbetet pa histori”. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori