Liverpoolit nuk i lejohet bartja e emblemës së fituesit të Kupës së Botës për klube në fanellë gjatë ndeshjeve në Ligën Premier

Për herë të parë në histori, Liverpooli është shpallur kampion i botës për klube.

The Reds e mposhtën në finale Flamengon me rezultat 1-0 në një ndeshje të tensionuar në fundjavën që shkoi.

Golin e fitores e realizoi Roberto Fimino në kohën shtesë, për ta fituar kështu trofeun e çmuar të FIFA-s.

Nga kjo arritje, skuadra angleze e ka të mundur ta bartë emblemën e trofeut në fanellën e tyre në ndeshjet e Ligës së Kampionëve, por jo edhe në Ligën Premier.

Rregullat thonë se për ta lejuar emblemën edhe në fanellat ku do luhen ndeshjet e ligës, duhet të shkojnë nëpërmjet një aplikimi formal, e njëjta që ndodh edhe në atë të FA Cup – në të cilën Liverpooli do të takohet me Evertonin në rrethin e tretë të garës.

https://www.instagram.com/p/B6WOeQbFLTm/?utm_source=ig_embed

Nuk është ende e qartë nëse aplikimi do të pranohet për pjesën tjetër të mbetur të sezonit, por që ata do të kenë të drejtë ta bartin emblemën qysh në përballjen ndaj Atletico Madridit në fazën e eliminimit direkt.

Lexo po ashtu Liverpooli fiton Kupën e Botës për Klube, pas triumfit në finalen triler ndaj Flamengos

Një zyrtar i FIFA-s i ka thënë Liverpoolit: “Sa për përdorimin e emblemës, çdo klubit i lejohet ta bartë atë që nga momenti kur shpallën kampion e deri në finalen e vitit të ardhshëm”.

The Reds në Ligën Premier në xhiron e 18-të do të takohen me Leicesterin, që ndryshe njihet edhe si ‘Boxing Day’, shkaku që përballjet zhvillohen në prag të ndërrimit motmoteve. /Telegrafi/