Liverpooli e ndanë numrin special në fanellë, vetëm që ta bind Mac Allisterin të kalojë në Anfield

Liverpool do t’i japë Alexis Mac Allisterit numrin e fanellës së tij të ëndrrave nëse mesfushori nënshkruan nga Brightoni.

Pas një sezoni të dobët, The Reds nuk duan t’i bëjnë gabimet e njëjta edhe në sezonin e ri, andaj duan të bëjë revolucion në skuadër.

Ndërsa Reds u tërhoqën nga një marrëveshje për Jude Bellingham, njerëzit e Jurgen Klopp janë lidhur me një mori alternativash në javët e fundit.

Lexo po ashtu Klopp pranon se ka pritur gjatë për t'i përmirësuar gabimet te Liverpooli

Të tillë si Manuel Ugarte, Mason Mount, Ryan Gravenberch, Conor Gallagher, Nicolo Barella dhe Moises Caicedo janë lidhur së fundmi me një lëvizje në Anfield.

Ndërkohë, javën e kaluar u pretendua se bashkëlojtari i Caicedos në Brighton, Mac Allister kishte hyrë në bisedime paraprake me Liverpoolin dhe se e ardhmja e argjentinasit do të zgjidhej në fillim të afatit të verës.

Dhe një faktor sentimental që mund të inkurajojë yllin e Pulëbardhave të bëjë lëvizjen në Anfield është se numri i preferuar i fanellës së tij do të vihet në dispozicion në Liverpool gjatë verës.

Nëse Mac Allister do t’i bashkohet Liverpoolit, ai me sa duket do të kishte një garë të lirë në numrin e preferuar të fanellës së tij.

Liverpool ende nuk e ka ricaktuar fanellën me numrin 10 pas largimit të Sadio Mane verën e kaluar.

Në të vërtetë, Mac Allister mban numrin 10 te Brightoni dhe më parë e kishte bërë këtë për Argentinos. Dhe nëse 24-vjeçari bën lëvizjen te Liverpool, ai ka të ngjarë të dëshirojë të vazhdojë nën atë numër.

Lexo po ashtu Klopp e do në skuadër, Liverpooli në kontakt me babanë e Mac Allister

James Milner (7), Naby Keita (8) dhe Roberto Firmino (10) pritet po ashtu të largohen në verë, andaj edhe këta numra do të jenë të lirë.

Ndërkohë numrat 12, 16, 24, 25 dhe 30 aktualisht janë të pacaktuar. /Telegrafi/