Lionel Messi dënohet me para pasi festoi me heqjen e fanellës duke nderuar Diego Maradonën

Komiteti i Konkurrencës ka vendosur këtë të mërkurë të trajtojë kartonin që Mateu Lahoz ia tregoi Leo Messit pasi nderoi Diego Maradonan. 

Komiteti i Konkurrencës ka vendosur të sanksionojë sulmuesin argjentinas me një paralajmërim dhe një gjobë prej 600 eurosh për shkeljen e nenit 91 të Kodit Disiplinor.

Ky është një dënim i butë, pasi dënimi mund të arrijë deri në 3,000 euro në raste të tilla.

FC Barcelona është gjobitur gjithashtu me një gjobë prej 350 eurosh (neni 52) i Kodit Disiplinor. Në këtë mënyrë, Konkurrenca mban sanksionin, domethënë kartonin që u dha për Leo Messi.

Klubi mund ta dërgojë në apel çështjen pasi disa kartonë janë larguar në të shkuarën për raste të tilla.

Vetë gjyqtari i ndeshjes, i  cili nuk kishte zgjedhje tjetër veçse t’i tregonte argjentinasit kartonin, gjithashtu kishte shkruar në detaje atë që bëri Messi në procesverbalin e ndeshjes.

Lionel Messi celebrates his goal by unveiling a special Newell’s Old Boys shirt 🇦🇷

In memory of Diego Armando Maradona ❤️pic.twitter.com/nhWPycHCO8

— GOAL (@goal) November 29, 2020

“Në minutën 73, lojtari (10) Messi Cuccittini, Lionel Andres u ndëshkua për arsyen e mëposhtme: Për heqjen e fanellës, pasi shënoi një gol, duke treguar një fanellë të ekipit Neëell’s Old Boys, nga sezoni 93/94 , me numrin 10 në shpinë”,  shkroi Mateu Lahoz për atë veprim. /Telegrafi /