Ligji për Prokurorinë Publike hyn në procedurë kuvendare, të martën në debat publik
Ligji për Prokurorinë Publike këtë javë hyn në procedurë kuvendare, ndërsa pas takimit të pasuksesshëm të grupeve partiake të punës të premten, tentim i ri për përafrimin e qëndrimeve do të jetë debati publik që të martën do ta organizojë Komisioni parlamentar për sistem politik.
Kryeministri Oliver Spasovski dje paralajmëroi se Ligji për Prokurorinë Publike do të dorëzohet në Kuvend shumë shpejtë dhe u bëri thirrje partive politike ta mbështesin, përcjell Telegrafi Maqedoni.
Edhe pse ky nuk është kush për marrjen e datës për negociata me BE-në, Spasovski mendon se miratimi i ligjit do të ishte moment shtesë pozitiv për eurointegrimin, por edhe për atë njëherë e përgjithmonë, politika t’i heqë duart nga gjyqësia dhe prokuroria dhe të garantohet drejtësi për të gjithë.
Mundësi e re për përafrimin e pozitave do të jetë debati publik të martën. Krahas përfaqësuesve politikë, do të marrin pjesë edhe ekspertët vendorë dhe ata të huaj, si dhe prokurori shtetëror publik Lubomir Joveski, në çka insiston OBRM-PDUKM-ja opozitare.
Pikërisht mosprania e tij ishte arsye që përfaqësuesit e OBRM-PDUKM-së ta braktisin takimin e grupeve partiake të punës me ministren e Drejtësisë, Renata Deskoska në Kuvend. Deskoska, megjithatë, i akuzoi se ikin nga bisedimet dhe shfaqi shpresë se do
të vijnë në debatin e paralajmëruar publik.
Nga OBRM-PDUKM-ja konfirmuan se do të marrin pjesë në debatin publik. Lideri i partisë Hristijan Mickoski pas takimit me kryetarin e Këshillit të Evropës Charles Michel deklaroi se janë serioze qëllimet që të sillet ligji për prokurorinë publike, nëse Qeveria gjegjësisht propozuesi, i pranon vërejtjet e opozitës.
LSDM-ja, megjithatë i akuzoi se me kundërshtimin e mbajnë vendin peng dhe u thonë se pikërisht ky ligj do ta përmirësojë sistemin e luftës kundër krimit dhe korrupsionit dhe do ta garantojë integrimin euroatlantik të shtetit.
Nga OBRM-PDUKM-ja u përgjigjën se ata nuk e zvarritin dhe nuk kanë ndërmend ta zvarritin ligjin për prokurorinë, nëse sillet dhe harmonizohet që të jetë në dobi të qytetarëve dhe të jetë në dobi të tyre. Pas serisë së tentimeve të pasuksesshme për marrëveshje midis pushtetit dhe opozitës, çështja e ligjit për PP sërish u aktualizua pas vizitë së javës së kaluar të eurokomisarit Oliver Varheji në Shkup, i cili porositi se do të ishte mirë që përbërja aktuale parlamentare para shpërndarjes ta sjellë ligjin, që do të ishte shenjë e mirë deri tek vendet anëtare të BE-së në kontekst të vendimit të pritur për fillimin e negociatave për anëtarësimin e vendit në Union.
Ambasadorët të vendeve anëtare të Bashkimit Evropian në vend në takimin e së premtes theksuan se sjellja e Ligjit për Prokurori Publike, edhe pse nuk është kushte për integrimet evropiane, do të jetë mesazh i mirë për përcaktimin e të gjitha subjekteve politike në vend drejt dialogut dhe qeverisjes të së drejtës./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë