Ligji për çmimet tavan për barna përplas deputeten e PDK-së me ministrin Vitia
Vendimi i Qeverisë Kurti për të caktuar çmimin tavan për barna ka ngjallur debat mes deputetes së PDK-së, Floretë Zejnullahu dhe ministrit të Shëndetësisë, Arben Vitia, në seancën e Kuvendit të enjten.
Deputetja e opozitës ka pyetur ministrin se pse është vonuar Projektligji i cili rregullon çmimet e produkteve medicinale, i cili u miratua nga ekzekutivi në mbledhjen e së mërkurës, raporton Telegrafi.
Sipas saj, një projektligj i tillë është dorëzuar para një viti nga depuetët e PDK-së, por nuk ishte përkrahur nga mazhoranca vetëm pse ishte propozuar nga opozita.
“Në vitin 2019 kur Ministria e Shëndetësisë udhëhiqej nga PDK-ja është nënshkruar udhëzimi administrativ për rregullimin e çmimit të barnave i cili me ndërrimin e qeverive nuk është zbatuar dhe madje është shfuqizuar. PDK-ja edhe para një viti ka dorëzuar projektligjin për rregullimin e çmimit të produkteve medicinale, por nuk është përkrahur nga mazhoranca vetëm se ishte propozuar nga opozita”, ka thënë Zejnullahu.
“Pse nuk u mbështet ky projektligj deri më tani? Pse nuk u zbatua udhëzimi administrativ”, ka pyetur ajo.
Deklarimeve të saj i është përgjigjur ministri Vitia, duke thënë se ky ligj është dashur të bëhet shumë më herët sepse sipas tij, kështu kursehen me mijëra para nga xhepat e qytetarëve.
Ai tutje është shprehur se në Qeverinë e PAN-it nuk është proceduar asnjë ligj për Ministrinë e Shëndetësisë.
“Dje ishte një lajm i mirë për Kosovën. U bë më në fund ligji për çmimin e barnave. Këtij ligji duhet t’i gëzohet secili qytetar. Kisha pas qejf që ky ligj të bëhet më herët, por fatkeqësisht nuk është bërë”, ka thënë Vitia.
“Nuk është bërë me herët sepse në Qeverinë e PAN-it asnjë ligj për ministrinë e Shëndetësisë nuk është proceduar. Unë edhe atëherë kam thënë me udhëzim administrativ nuk zgjidhjet kjo çështje. Zgjidhet vetëm me ligj”, ka përfunduar ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shqiptohen 100 masa në Shkup, 14 për drejtim të automjetit pa patentë shofer
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Liria e shtypit në Ballkanin Perëndimor, Maqedonia renditet e 36-ta
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe